هەرێم نیوز
سەرۆکی حکوومەتی هەرێمی کوردستان سەردانی بەغدا دەکات بە مەبەستی ئەنجامدانی گفتوگۆی یەکلابکەرەوە لەسەر ڕەشنووسی یاسای بودجەی گشتیی عێراق و دیاریکردنی پشکی هەرێمی کوردستان.
دەستپێکردنی گفتوگۆکانی هەولێر و بەغدا
بڕیارە ئەمڕۆ دووشەممە، ٩ی تشرینی دووەمی ٢٠٢٦، مەسرور بارزانی، سەرۆکی حکوومەتی هەرێمی کوردستان سەردانی بەغدا بکات و پرسی پشکی هەرێمی کوردستان لە بودجەی گشتیی سالی ٢٠٢٧ لەگەڵ بەرپرسانی باڵای حکوومەتی فیدراڵ تاوتوێ بکات.
ئەم سەردانەی سەرۆکی حکوومەت لە کاتێکدایە کە تاوەکو ئێستا هەولێر و بەغدا لەسەر هەندێک لە خاڵەکانی ڕەشنووسی بودجە و دیاریکردنی ڕێژەی کۆتاییی پشکی هەرێمی کوردستان نەگەیشتوونەتە ڕێککەوتنی تەواوەتی.
یەکلاییکردنەوەی ڕەشنووسی بودجە
بەپێی زانیارییەکان، بڕیارە سبەی سێشەممە، ئەنجوومەنی وەزیرانی عێراق کۆبوونەوەی ئاساییی خۆی ئەنجام بدات و ڕەشنووسی یاسای بودجە یەکلایی بکاتەوە، تاوەکو دواتر بۆ پەسەندکردن ئاراستەی پەرلەمانی عێراقی بکات.