هەرێم نیوز

فەرماندەییی ناوەندیی هێزەکانی ئەمریکا (سێنتکۆم) ڕایگەیاند، کەشتییەکی بازرگانییان لە کەنداوی عومان لەکارخستووە، دوای ئەوەی هەوڵی داوە گەمارۆ دەریاییییەکانی سەر ئێران تێپەڕێنێت.

پێشێلکردنی گەمارۆکە و بەئامانجگرتنی کەشتییەکە
ئەمڕۆ یەکشەممە، ٨ی تشرینی دووەمی ٢٠٢٦، فەرماندەییی ناوەندیی ئەمریکا (سێنتکۆم) لە ڕاگەیەندراوێکدا بڵاوی کردەوە، هێزەکانیان کەشتییەکی بازرگانییان لە کەنداوی عومان لەکارخستووە، دوای ئەوەی تیمە مەدەنییەکەی هۆشدارییە دووبارەکانیان پشتگوێ خستووە و هەوڵی پێشێلکردنی ئەو گەمارۆ دەریاییییەیان داوە کە بەسەر ئێراندا سەپێندراوە. 

سێنتکۆم ئاشکرای کرد، فڕۆکەیەکی سەربازیی ئەمریکا بە تەقەمەنیی ورد پشتی کەشتیی (M/V Huda)ی کردووەتە ئامانج کە ئاڵای سەینت کیتسی لەسەر بووە. ڕوونیشی کردووەتەوە ئەم هێرشە دوای ئەوە هات کە هێزەکانی سێنتکۆم ڕێنماییی تیمی کەشتییەکەیان کردبوو بۆ چۆڵکردنی ئەو بەشەی کەشتییەکە کە بڕیار بوو بکرێتە ئامانج.

پاشخانی ئۆپراسیۆنەکە
فەرماندەییی ناوەندیی ئەمریکا ئاماژەی بەوەش دا، کەشتییە بارهەڵگرەکە دوای ئەوەی سەردانی بەندەرێکی ئێرانی کردبوو، هەوڵی داوە ئاوە هەرێمییەکان بەجێ بهێڵێت، بەڵام بەهۆی ڕەتکردنەوەی ڕێنمایییە ئەمنییەکانەوە تێک شکێندراوە و لەکارخراوە.