هەرێم نیوز
مەسرور بارزانی، سەرۆکی حکوومەتی هەرێمی کوردستان لە شەست و پێنجەمین ساڵیادی هەڵگیرسانی شۆڕشی ئەیلوولدا، پەیامێکی بڵاوکردەوە و تێیدا جەختی لە گرنگیی یەکدەنگی و هاوهەڵوێستیی لایەنە کوردستانییەکان کردەوە.
لە ڕاگەیەندراوەکەدا، سەرۆکی حکومەت ئاماژەی بەوە دا کە شۆڕشی ئەیلوول بە ڕێبەرایەتی "بارزانیی نەمر" شۆڕشێکی جەماوەری و سەرتاسەری بوو کە سەرجەم پێکهاتە ئایینی و نەتەوەییەکانی کوردستان بەشدارییان تێدا کرد و چەندین دەسکەوتی مێژوویی بەدەست هێنا.
مەسرور بارزانی ڕوونیشی کردەوە کە گرنگترین دەسکەوتی ئەو شۆڕشە، ناچارکردنی ڕژێمی عێراق بوو بە ئیمزاکردنی ڕێککەوتننامەی ١١ی ئاداری ١٩٧٠ و داننان بە مافەکانی گەلی کوردستاندا.
لە کۆتاییشدا جەختی لە پاراستن و پەرەپێدانی قەوارەی دەستووریی هەرێمی کوردستان و دەسکەوتە نیشتمانییەکان کردەوە.