هەرێم نیوز
گیدعۆن ساعر، وەزیری دەرەوەی ئیسرائیل ڕایگەیاند، وڵاتەکەی بە ڕاستەوخۆ و ناڕاستەوخۆ پەیامی توندی بە ئەنقەرە گەیاندووە کە بە هیچ جۆرێک ڕێگە نادات هێز و بنکەی سەربازیی تورکیا لە باشووری سوریا و نزیک سنوورەکانی ئیسرائیل جێگیر ببن.
پەیامەکانی ئیسرائیل بۆ تورکیا
لە چاوپێکەوتنێکیدا لەگەڵ کەناڵی France 24، وەزیری دەرەوەی ئیسرائیل جەختی لەوە کردەوە کە بڕیارەکانی وڵاتەکەی پشتیان بە زانیاریی هەواڵگریی ورد بەستووە و ڕوونی کردەوە:
•بوونی تورکیا لە سوریا: تورکەکان ساڵانێکە لە باکووری سوریا جێگیربوون، بەڵام هاتنیان بۆ باشووری سوریا هێڵی سوورە.
•کەناڵە دیپلۆماسییەکان: ئیسرائیل ڕاستەوخۆ و لە ڕێگەی ئەمریکییەکانەوە پەیامی بە تورکیا گەیاندووە، کاتێکیش زانیویانە دیپلۆماسییەت کاریگەر نییە، هەنگاوی تریان ناوە.
سەقامگیری لەسەر سنوورەکان
گیدعۆن ساعر ئاماژەی بەوەش کرد، ئیسرائیل ئارەزووی ئاڵۆزبوونی زیاتری دۆخەکەی ناکات، بەڵکو بەدوای ڕێگەچارەی دیپلۆماسی و پاراستنی سەقامگیریدا دەگەڕێت لەسەر سنوورەکانی لەگەڵ سوریا.