هەرێم نیوز
زۆربەی خەڵک پێیان وایە زیانی جگەرە و نێرگەلە تەنها لە "سنگ"دایە، بەڵام کارەساتە ڕاستەقینەکە لە ناو خوێن و هۆرمۆنەکاندایە!
لێرەدا تیشک دەخەینە سەر ئەو گۆڕانکارییانەی کە پشکنینەکان دەریان دەخەن:
هۆرمۆنی هێز (Testosterone): ئەم هۆرمۆنە ناسنامەی پیاوە! کحول و دووکەڵ دەبنە هۆی تێکچوونی "بەرهەمهێنان"ی ئەم هۆرمۆنە. کەمبوونەوەی توانای سێکسی پیاوان.
پشکنینی تۆو (SFA): جگەرە و کحول کاریگەریان هەیە لەسەر توانای منداڵبوون! ئەم پشکنینە دەریدەخات کە چۆن ژەهرەکان دەبنە هۆی کەمبوونەوەی ژمارەی تۆو، تێکدانی شێوەکەی و لاوازکردنی جوڵەکەی، کە ڕاستەوخۆ کار دەکاتە سەر نەوەکانی داهاتووت.
زەنگی مەترسی جگەر (GPT & GOT): ئەم ئەنزیمانە وەک "پاسەوانی ناو خانەکان" وان. خواردنەوە کحولییەکان دەبنە هۆی بریندارکردنی خانەکانی جگەر و دزەکردنی ئەم ئەنزیمانە بۆ ناو خوێن.
خەستی خوێن (تەڵەی نێرگەلە): نێرگەلە ئۆکسجینی ناو خوێن ڕادەکێشێت! جەستەش بۆ قەرەبووکردنەوە، ڕێژەی خوێن (Hb) بە شێوەیەکی مەترسیدار بەرز دەکاتەوە و خوێن وەک "دۆشاو" خەست دەکاتەوە.
چەورییە زیانبەخشەکان: کحول ڕاستەوخۆ چەوری سیانی (Triglycerides) بەرز دەکاتەوە و چەورییە باشەکەت (HDL) لێ دەسەنێتەوە. ئەمەش واتە نزیکبوونەوە لە جەڵتە.