هەرێم نیوز
عەلی موسەوی، پەرلەمانتاری دەوڵەتی یاسا لە پەرلەمانی عێراق دەڵێت: ئەوەی ئێستا لە عێراق و ناوچەکە روودەدات، بەشێکە لە پرۆژەی ئیسرائیلی گەورە.
موسەوی، لە چاوپێكەوتنێكدا لەگەڵ كەناڵی "سۆمەریە نیوز" وتی: پۆستی سەرۆک وەزیران بۆ دوو سەد ساڵی داهاتوو لە دەستی پێکهاتەی شیعەدا دەمێنێتەوە، وەرگرتنی لێیان خەونێکی مەحاڵەو وەک خەونی شەیتان وایە بە بەهەشتەوە.
موسەوی ئاماژەی بەوەشكرد: بە هەموو توانامانەوە هەوڵ دەدەین بۆ گەڕانەوەی مالیکی بۆ پۆستی سەرۆک وەزیران، بەو پێیەی هێشتا خەڵک پێی دەڵێن "باوكى خێرو بەرەكەت" بەهۆی ئەوەی لە ماوەی ساڵانی دەسەڵاتيدا پێشكەشی كردووە.
راشیگەیاند:چوارچێوەی هەماهەنگی بە یەکگرتوویی دەمێنێتەوەو دوای هەڵبژاردنیش بەردەوام دەبێت، جا بە یەک لیست یان چەند لیستێک بچێتە هەڵبژاردنەوە.