دواین هەواڵ

کوردستان‌

 20 کاتژمێر پێش ئێستا

نزیکەی 4 ملیۆن هاوڵاتی کارەبای 24 کاتژمێرییان بۆ دابین کراوە لە پڕۆژەی ڕووناکی

هەرێم نیوز

وەزارەتی کارەبای حکومەتی هەرێمی کوردستان ڕایگەیاند، ئەمڕۆ خۆشحاڵین بە ڕاگەیاندنی گەیشتنی کارەبای 24 کاتژمێری بۆ نزیکەی 4 ملیۆن هاوڵاتی، کە دەکاتە زیاتر لە 50%ـی دانیشتووانی هەرێمی کوردستان لە چوارچێوەی پڕۆژەی ڕووناکی. دەشڵێت زیاتر لە 3,200 موەلیدەی گازوایل لە گەڕەکەکان کوژێنراونەتەوەو، تا کۆتایی ساڵی 2026یش حکومەتی هەرێمی کوردستان لە پلانی دایە زیاتر لە 7,000 موەلیدە بکوژێنێتەوە.

ئەم هەنگاوەش هەڵەبجە دەکاتە یەکەمین پارێزگا لەسەر ئاستی عێڕاق و هەرێمی کوردستان کە کارەبای 24 کاتژمێری هەبێت لە ڕێگەی پڕۆژەی ڕووناکی.

ئەم فراوانبوونەی ئەمڕۆ، هاوڵاتییان لەسەر ئاستی ناوەندی شارەکانی هەولێر و دەورووبەری، دهۆک، سلێمانی و هەڵەبجە دەستییان دەگات بە کارەبای 24 کاتژمێری و زووتر لە پلانی داڕێژڕاو.

دوایین ئاماری هاوڵاتی و هاوبەشانی نێو پڕۆژەی ڕووناکی:

کوردستان

هاوڵاتی: 3,770,000
هاوبەش: 987,000

هەولێر:

هاوڵاتی: 1,935,000
هاوبەش: 504,000

سلێمانی:

هاوڵاتی: 1,345,000
هاوبەش: 351,000

دهۆک:

هاوڵاتی: 351,000
هاوبەش: 94,000

هەڵەبجە:

هاوڵاتی: 139,000
هاوبەش: 38،000

هەروەها، زیاتر لە 3,200 موەلیدەی گازوایل لە گەڕەکەکان کوژێنراونەتەوەو، تا کۆتایی ساڵی 2026یش حکومەتی هەرێمی کوردستان لە پلانی دایە زیاتر لە 7,000 موەلیدە بکوژێنێتەوە. 

کۆی گشتی ژمارەی ئەو موەلیدانەی کوژێنراونەتەوە  و کاریگەرییان لە کەمکردنەوەی دەردانی دووەم ئۆکسیدی کاربۆنی ساڵانە بە تۆن لە پڕۆژەی ڕووناکی:

کوردستان

ژمارەی موەلیدەی کوژێنراوە: 3,222
کەمکردنی دەردانی دووەم ئۆکسیدی کاربۆن: 600,000

هەولێر:

ژمارەی موەلیدەی کوژێنراوە: 2,197
کەمکردنی دەردانی دووەم ئۆکسیدی کاربۆن: 410,000

سلێمانی:

ژمارەی موەلیدەی کوژێنراوە: 604
کەمکردنی دەردانی دووەم ئۆکسیدی کاربۆن: 112,000

دهۆک:

ژمارەی موەلیدەی کوژێنراوە: 356
کەمکردنی دەردانی دووەم ئۆکسیدی کاربۆن: 63,000

هەڵەبجە:

ژمارەی موەلیدەی کوژێنراوە: 65
کەمکردنی دەردانی دووەم ئۆکسیدی کاربۆن: 15،000



Copyright © 2020 All Rights Reserved Designed And Developed By AVESTA GROUP