هەرێم نیوز
بەڕێوەبەرایەتی گشتی کارەبای سلێمانی ڕایگەیاند، لەچوارچێوەی پرۆژەی رووناکی بۆ دابینكردنی كارەبای بەردەوام بۆ هاوڵاتیان، لە ئێوارەی ئەمڕۆوە تەواوی ئەو گەڕەگانەی ناوسەنتەری سلێمانی كە (5) زۆنە و ژمارەیان (32) گەڕەكە لەگەڵ پرۆژەكانی نیشتەجێبوون، لە ئێوارەی ئەمڕۆ كارەباكەیان دەبیتە (24) كاتژمێری و بەوەش كۆی گەرەكەكانی سەنتەری شاری سلێمانی كارەبایان بوە بەردەوام.
دەشڵێت هاوكات هەر ئێوارەی ئەمڕۆ كارەبای قەزای قەرەداغ و گوندەكانی دەروبەری و ناحیەی عەرەبەت و گوندەكانی دەوروبەری كارەبایان دەبێت بە (24) كاتژمێری.
کارەبای سلێمانی ڕوونیکردووەتەوە: دوای تەواوبوونی سەرجەم ئامادەكارییە تەكنیكییەكان و بەپێی پلانی كاركردنی پرۆژەی رووناكی ئێوارەی ئەمڕۆ پێنج شەممە 28/8/2025 بە ئامادەبوونی ئەندازیار ئەنوەر حمە سعید بەڕێوەبەری گشتی کارەبای سلێمانی و ئەندازیار غالب محمد بەڕێوەبەری کۆنترۆڵی کارەبای سلێمانی، دەستدەکرێت بە پێدانی کارەبای بەردەوام بە گەڕەکەکان، کە زیاتر لە (111) فیدەری كارەبایە.
ئاماژەی بەوەش کردووە: بەگشتی لە پارێزگای سلێمانی (351) هەزار هاوبەشی کارەبا و (1.450.000) ملیۆن هاوڵاتی سلێمانی لە پرۆژەی رووناكی سوودەمەند بوون و كارەبایان بوە بە (24) كاتژمێری ، هەروەها لە سنوری پارێزگای سلێمانی (٦٠٢) موەلیدە کوژاوەیەوە
جێی ئاماژە بۆكردنە هەر ئێوارەی ئەمڕۆ تەواوی هاوبەشانی كارەبای سنوری پارێزگای هەڵەبجە لە چوارچێوەی پرۆژەی رووناكی كارەبایان دەبێت بە 24 كاژمێری.