هەرێم نیوز
بەڕێوەبەرایەتیى گشتیى باجەکان و خانووبەرەى میرى، نووسراوێکی بۆ قائیمقامییەتی ناوەندیی سلێمانی ناردووە و بە بیانووی نەدانی باج داوای داخستنی چاڤی لاند دەکات.
بەڕێوەبەرایەتیى گشتیى باجەکان و خانووبەرەى میرى سلێمانی بە نووسراوێک داوای داخستنی چاڤی لاند دەکات.
پڕۆژەی چاڤیلاند یەکێکە لە پڕۆژە گەشتیارییە دیارەکانی سلێمانی و لە ساڵانی ڕابردوودا ڕووبەڕووی چەندین کێشەی یاسایی و دارایی بووەتەوە، لەوانە قەرز و سکاڵای خاوەن پشکەکان.
بەڕێوەبەرایەتی گشتیی باجەکان و خانووبەرەی میری سکاڵای لەسەر شاسوار عەبدولواحید، خاوەنی کۆمپانیای چاڤی بۆ وەبەرهێنانی گەشتیاری، تۆمارکردووە بە تۆمەتی "نەدانی باج" و داوای داخستنی کۆمەڵگەی چاڤی لاندی کردووە.
لە نووسراوەکەی بەڕێوەبەرایەتیى گشتیى باجەکان و خانووبەرەى میرى کە بۆ قائیمقامییەتی ناوەندیی سلێمانی ناردووە هاتووە، پاش چەندین جار ئاگادارکردنەوەى ئەم خاوەن کۆمپانیایەى کە ناو و ناونیشانى لەنووسراوى بەڕێوەبەرایەتیى گەورە باجدەران ژمارە هەزار و ٣٩٤ لە ١٥ـى تەمووزى ٢٠٢٥ دا هاتووە و بەناوى کۆمپانیاى چاڤى بۆ وەبەرهێنانى گەشتیارى، بەمەبەستى دانى باجەکەى، بەڵام تاوەکوو ئێستا ئەو باجەى کە بە یاسا لەسەری چەسپاوە پاکتاونەکردووە.
هاوکات، لە نووسراوەکەدا بەڕێوەبەرى گشیتى باجەکان، داواى لە قائیمقامییەتى سلێمانى کردووە بەگوێرەى بڕیارى ئەنجوومەنى وەزیران، ژمارە ١٣ لە ٧ـى ئابى ٢٠١٩ـدا شوێنەکە، واتە چاڤى لاند دابخات.
