هەرێم نیوز
کۆمیسیۆنی سوریا بۆ ونبووەکان لە دوایین ڕاپۆرتی خۆیدا ڕایگەیاند، ڕەنگە ژمارەی ئەو کەسانەی لە سەردەمی بنەماڵەی ئەسەددا بێسەروشوێن بوون، لە 300 هەزار کەسی تێپەڕاندبێت.
ڕاپۆرتەکە ئەو ماوەیەی لە ساڵی 1970، سەرەتای دەسەڵاتی حافز ئەسەدەوە تا ڕووخانی بەشار ئەسەد لە ساڵی 2024 تاوتوێ کردووە.
بەگوێرەی ڕاپۆرتەکە، لە ساڵی 2010ەوە، لەگەڵ بڵاوبوونەوەی ناڕەزایەتییە جەماوەرییەکان، ڕژێمی ئەسەد پەنای بۆ سەرکوتکردنی بەربڵاو بردووە و هەزاران خۆپیشاندەر و کەسی مەدەنی و چالاکوانی سیاسی کوشتووە، زیندانی کردووە، یان بە زۆر بێسەروشوێن کردووە.
هەروەها کۆمیسیۆن دۆزینەوەی زیاتر لە 63 گۆڕی بەکۆمەڵ لە ناوچە جیاجیاکانی سوریای ڕاگەیاند کە بەشێک لەو تاوانانە ئاشکرا دەکات کە ئەم ڕژێمە ئەنجامی داوە.