هەرێم نیوز
سەرۆکی هەرێمی کوردستان پێشوازی لەو ئاگربەستە دەکات کە دۆناڵد ترەمپ لەنێوان ئێران و ئیسرائیلدا رایگەیاند؛ دەڵێت، "تاکە رێگە بۆ سەقامگیری، ئاسایش و خۆشگوزەرانیی رۆژهەڵاتی نێوەڕاست لە گفتوگۆی گشتگیر و بنیاتنەر و لێکتێگەیشتنی هاوبەشی هەموو لایەنەکاندایە."
ئەمڕۆ سێشەممە، نێچیرڤان بارزانی، سەرۆکی هەرێمی کوردستان پەیامێکی دەربارەی ئاگربەستەکەی نێوان ئێران و ئیسرائیل بڵاوکردەوە و تێیدا هاتووە، پێشوازی لە ڕاگەیاندنەکەی دۆناڵد ترەمپ، سەرۆکی ئەمریکا سەبارەت بە ڕاگەیاندنی ئاگربەستی نێوان ئێران و ئیسرائیل دەکەم.
ئاماژەی بەوەشداوە، باوه‌ڕی ته‌واوم هه‌یه ته‌نها ڕێگه‌ی ئاسایش و سه‌قامگیری به‌رده‌وام و خۆشگوزه‌رانی له ڕۆژهه‌ڵاتی ناوه‌ڕاستدا له گفتوگۆی گشتگیر و بنیاتنه‌ر و لێكتێگه‌یشتنی یه‌كتر له نێوان هه‌مو لایه‌نه‌كاندادایه".
سەرۆکی هەرێمی کوردستان ڕاشیگەیاند، سوپاس و پێزانینی خۆم ئاراستەی سەرۆک ترەمپ و سەرکردەکانی دیکە دەکەم بۆ پابەندبوونیان بە دیپلۆماسییەت و چارەسەرکردنی ئاشتیانەی ناکۆکییەکان لەم کاتە هەستیارەدا.