هەرێم نیوز

هاتووچۆی هەولێر ڕایگەیاند، شەقامی خزمەت گوزاری 120م خێرا لەگەرەکی 32ی پارک نزیک کۆمپانیای (opvi) گۆرەپانی پشکنینی ئۆتۆمبێل دادەخرێت. 

 بەڕێوەبەرایەتی هاتووچۆی هەولێر لە ئاگادارییەکدا ڕایگەیاند، ئاگاداری شوفێرانی شاری هەولێر دەکەینەوە، بەیانی لە ڕێکەوتی 3-4-2025، بەهۆی کارکردن لە پڕۆژەی ئاوی ئیفرا، شەقامی خزمەت گوزاری 120م خێرا لەگەرەکی 23ی پارک نزیک کۆمپانیای (opvi) گۆرەپانی پشکنینی ئۆتۆمبێلی بەڕێوەبەرایەتی هاتووچۆی هەولێر دادەخرێت. 

ڕوونیشیکردەوە، داخستنەکە بۆماوەی دە ڕۆژە، بۆیە داوا لە شوفێران دەکەین هاتووچۆ بەم شەقامەدا نەکەن و شەقامی جێگرەوە بەکار بهێنن.

ئەوەشی خستەڕوو، تا کاری هەڵکندن و گواستنەوەی بۆڕی ئاوە کە تەواو دەبێت، دوای تەواو بونی کارکردن شەقامەکە ئاسایی دەبێتەوە.