دواین هەواڵ

ئابوری‌

 1 رۆژ پێش ئێستا

سعودیە پێدانی ڤیزای بە هەرێمی کوردستان و چەند وڵاتێکی دیکەی ڕاگرت

هەرێم نیوز
 سعودیه‌ ڕێکارەکانی پێدانی ڤیزای عومرەی بۆ 14 وڵات ڕاگرت کە هەرێمی کوردستان و عێراقیشی تێدایه‌.

 کاروان ستوونی، وتەبێژی بەڕێوەبەرایەتی گشتی حەج و عومرەی هه‌رێمی كوردستان رایگەیاند‌، لە ڕۆژی یه‌كشه‌ممه‌وه‌ 30ـی ئادار، ئەو یوزەرەی لەلایەن حكومه‌تی سعودیە دراوە بە کۆمپانیاکانی گواستنه‌وه‌ی حاجیان بۆ داواکاری ڤیزا بەشێوەی ئەلیکترۆنی ناچالاک کراوە، بەو هۆیەوە داواکاری ڤیزای هیچ کەسێک نەگەڕاوەتەوە.

ئاشکراشیکرد، حكوومه‌تی سعودیە دەویەوێت ئەوەی ساڵی رابردوو ڕوویدا ئه‌مساڵ دووبارە نەبێتەوە كه‌ به‌ هه‌زاره‌ها هاوڵاتیی له‌ چه‌ندین وڵاتی جیاواز به‌ ڤیزای گه‌شتیاری یان وه‌رگرتنی ڤیزای یه‌ك ساڵه‌ فه‌ریزه‌ی حه‌جیان له‌ ده‌ره‌وه‌ی ڕێنماییه‌كانی حكوومه‌تی سعودیه‌ ئه‌نجامدا و بۆ ئه‌مه‌ش ئاریشه‌یه‌كی ناوخۆیی گه‌وره‌ ڕووبه‌ڕووی حكوومه‌تی سعودیه‌ بوویه‌وه‌ .

ئاماژەی بەوەشکرد، ئه‌م بریاره‌ی حكومه‌تی سعودیه‌ تا دوای ته‌واو بوونی مه‌راسیمی حه‌جی ئه‌مساڵ به‌رده‌وام ده‌بێت و ڤیزای گه‌شتیاری یان ڤیزای یه‌ك ساڵه‌ به‌ 14 وڵات ڕاده‌گیرێت له‌نێویشیاندا عێراق و هه‌رێمی كوردستان .

مه‌رایسمی حەجی ئه‌مساڵ لە نێوان 10 بۆ 15ـی مانگی پێنجی ئه‌مساڵ 2025 دەستپێدەکات و تا ناوەڕاستی مانگی شەش بەردەوام دەبێت .



Copyright © 2020 All Rights Reserved Designed And Developed By AVESTA GROUP