هەرێم نیوز
وته‌بێژی گه‌شتوگوزاری سلێمانی ڕایگەیاند، له رۆژانی جه‌ژنی ڕەمەزاندا 40 هه‌زار گه‌شتیار هاتوونه‌ته سلێمانی.
گۆران قادر، وته‌بێژی گه‌شتوگوزاری سلێمانی له لێدوانێكدا رایگه‌یاند، لە سێیەم رۆژی جەژنی رەمەزانەوە، هاتنی گەشتیاران بەلێشاو بۆ شاری سلێمانی دەستیپێكردووە و سەرجەم هۆتێل و ناوچە گەشتیارییەکان ئامادەكارییان بۆ هاتنی گەشتیار كردووە.
باسی لەوەشکرد، ئەوەی تائێستا بە ئێمە گەیشتووە، 70%ـی هۆتێل و ناوچە گەشتیارییەکان پڕبوون لە گەشتیار و شوێنیان نەماوە، هاوکات زیاد لە 100 گروپی گەشتیاری، لەم چەند رۆژەدا سەردانی شاری سلێمانییان كردووە.
ئەوەشی خستەڕوو، شاری سلێمانی شوێنی مانەوەی یەك كەس لە پێنج هەزار دینارەوە دەستپێدەکات تا نزیكەی 100 دۆلار.
ڕوونیشیکردەوە، رۆژانی داهاتوو گه‌شتیاری زیاتر روو له شاره‌كه ده‌كه‌ن و ئاماده‌كاری ته‌واوكراوه بۆ پێشوازیكردنیان.