هەرێم نیوز

وەزارەتی کارەبا ڕایدەگەیەنێت: چەند کاتژمێرێک زیاتریش لەو بەرنامەیەی داندرابوو لە ڕۆژانی جەژن کارەبا بە هاووڵاتیان دراوە.

وەزارەتی کارەبای هەرێمی کوردستان،ئەمڕۆ چوارشەممە بڵاوی کردەوە: "بەڕێوەبەرایەتیی کۆنتڕۆڵی کارەبای هەرێمی كوردستان لە هەر سێ ڕۆژی جەژنی رەمەزاندا توانیویانە 22:30 کاتژمێر کارەبا لە سەرانسەری هەرێمی کوردستان بۆ هاووڵاتیان دابین بکەن."

ئاماژەی بەوەشداوە: بەمەش وەزارەتی کارەبا ئەو بەرنامەیەی بۆ پێدانی کارەبا بە هاووڵاتیان کە پێش ڕۆژانی جەژن  بڵاوی کردەوە، بە شێوەیەکی ڕێکوپێک جێبەجێی کردووە.

پێشتر لە 29ی ئادار وەزارەتی  کارەبا ئەوەی ڕاگەیاندبوو، لە ڕۆژانی جەژن 18 بۆ 22 کاتژمێر کارەبای نیشتمانی دەدرێتە هاووڵاتییان.

جەختی لەوەش کردەوە، چوار هەزار مێگاوات کارەبا بەردەستە و حەوت هەزار کارمەندی کارەباش له ڕۆژانی جەژن لە ئەرکدا بوونە.