هەرێم نیوز
وەزیری دادی عیراق لەبارەی كێشەی مووچەی فەرمانبەرانی هەرێم لەنێوان هەولێرو بەغدا ڕایگەیاند: "كێشەكە لەبنەڕەتەوە چارەسەربووە و هیچ گرفتێكی سیاسیی و یاسایی لەبەردەمدا نەماوە".
ئەمڕۆ دووشەممە ٣١-٣-٢٠٢٥، خالد شوانی، وەزیری دادی عیراق ڕایگەیاند:" پێویستە حكومەتی هەرێمی كوردستان خۆی لەگەڵ ڕێنمایی و میكانیزمەكانی حكومەتی فیدراڵی بگونجێنێت بۆ ئەوەی مووچە دوانەكەوێت".
وتیشی: "كۆمەڵێك یاسا هەیە، كە مووچەی فەرمانبەرانی هەرێمی خستووەتە سەر ڕێچكەی خۆی وەك یاسای بودجە، بڕیارەكانی دادگای فیدراڵی و ئەو ڕێكکەوتن و لێكتێگەیشتنانەی لەنێوان هەولێر و بەغداد هەیە".
ئاماژەی بەوەشكرد: " ئەو كێشانەی كە هەن، كێشەی تەكنیكین نەك سیاسی و پەیوەندی بە خۆگونجاندنی هەرێم هەیە لەگەڵ ئەو ڕێنماییانەی لە لایەن بەغداوە دەردەچن".