هەرێم نیوز
بەرەبەیانى ئەمڕۆ هەینی ئەمبوڵانسێک لەسەر رێگای مێرگەسور وەرگەڕا، دکتۆرێک گیانى لەدەستدا و سێ کەسی دیکەش برینداربوون.
ئەمبوڵانسەکە لە کاتی گواستنەوەی نەخۆشێک بۆ نەخۆشخانەی بلێ لە سنووری پارێزگای هەولێر وەرگەڕاوە.
پزیشکەکە ناوی قەحتان جیهادە و گەنجە، پزیشکی نیشتەجێی خولاوە. بریندارەکانیش پێکدێن لە شۆفێر، تیمی تەندروستی و هاونیشتمانییەکی دەڤەرەکە.
ڕووداوەکە بەجۆرێک بووە هاووڵاتییەک لە ناحیەی شێروان مەزن بریندار دەبێت و دەبرێتە نەخۆشخانەی مێرگەسۆر، بەڵام بەهۆی سەختی برینەکەیەوە بۆ نەخۆشخانەی بلێ دەگوێزرێتەوە و لە رێگەدا ئەمبوڵانسەکە وەردەگەڕێت.