هەرێم نیوز
سەرۆكی حكوومەتی هەرێمی كوردستان، لە شاری (دوبەی)ی ئیمارات، لەگەڵ سەرۆكی دەوڵەتی ئیمارات كۆ بووەوە و هەردوولا هاوڕابوون لەسەر پێویستیی بەهێزکردنی هاوکاری و هاوئاهەنگیی دوولایەنە.
ئەمڕۆ چوارشەممە، سەرۆکی حکومەتی هەرێمی کوردستان مەسرور بارزانی، له درێژه‌ی دیدار و چاوپێكه‌وتنیدا له شاری دوبەی ، لەگەڵ شێخ محەمەد بن زاید ئال نەهیان سەرۆکی دەوڵەتی ئیمارات کۆبووەوە.
لە کۆبوونەوەکەدا کە قوباد تاڵەبانی جێگری سەرۆکی حکومەت ئامادەی بوو ، بیروڕا لەبارەی دوایین پێشهات و گۆڕانکارییەکانی دۆخی گشتیی عێراق و ناوچەکە ئاڵوگۆڕ کرا و هەردوولا هاوڕابوون لەسەر پێویستیی بەهێزکردنی هاوکاریی و هاوئاهەنگیی دوولایەنە و پێشخستنی زیاتری پەیوەندیی دۆستانەی نێوان هەرێمی کوردستان و ئیمارات لە بوارە جیا جیاكاندا.
هه‌ر له‌م چوارچێوه‌یه‌دا مه‌سرور بارزانی له تۆری كۆمه‌ڵایه‌تی ئێكس پۆستێكی بڵاوكرده‌وه و نووسیوه:
هەمیشە جێگای خۆشحاڵییە کە لەگەڵ براکەم شێخ محەمەد بن زاید کۆدەبمەوە.
باسمان لە پێشهاتە ناوچەییەکان و دیدگای هاوبەشمان کرد بۆ گەشەی ئابووری و سەقامگیری و پەیوەندی قووڵتر لە نێوان هەرێمی کوردستان و ئیمارات.