هەرێم نیوز

حەماس ڕایگەیاند، محەمەد زەیف، فەرماندەی گشتی  هێزی "قەسام"، کە باڵی سەربازی بزووتنەوەی حەماسی فەلەستینییە، کوژراوە.

پاش تێپەڕبوونی زیاتر لە حەوت مانگ بەسەر دەنگۆی کوژرانی محەممەد زەیف، فەرماندەی گشتیی باڵی سەربازیی حەماس، ئەمڕۆ بزووتنەوە فەلەستینییەکە هەواڵەکەی پشتڕاستکردەوە.

محمد زەیف، فەرماندەی گشتی قەسام، یەکێک لە گرنگترین سەرکردەکانی بزووتنەوەی حەماس بوو.

محەممەد زەیف ناسراو بە (ئەبو خالد) هەمیشە خەریکی گۆڕینی شوێنی نیشتەجێبوون بوو بۆ ئەوەی نەکوژرێت؛ هەر بۆیە نازناوی (زەیف)ی لێنرا، واتە میوان.

ناوبراو لە زانکۆی ئیسلامی غەززە بایۆلۆجی خوێندووە. یەکەم گرووپی شانۆیی لە کەرتی غەززە دامەزراند.

ئیسرائیل پێشتر لانیکەم 7 جار هەوڵی کوشتنی دابوو.