هەرێم نیوز
ئاسایشی هەولێر دەست بەسەردا گرتنی (یازدەکیلۆ و٤٠٠ گرام) ماددەی هۆشبەری ڕاگەیاند.

 بەڕێوەبەرایەتی ئاسایشی هەولێر لە بڵاوکراوەیەکدا ڕایگەیاند، دوای ئەنجامدانی چاودێر و بەدواداچونی هێزەکانمان ،لەسەر باندێکی بازرگانی کردن بە ماددەی هۆشبەر ،بەفەرمانی بەڕێز دادوەری لێکۆڵینەوەی ئاسایشی هەولێر سێ تۆمەتبارمان دەستگیر کرد.

ئەوەشی خستەڕوو، بەناوەکانی (هـ ، د ، أ)و(م ، م ، ش) و(ک ، م، ف)،لەکاتی دەستگیر کردنی تۆمەتبارانی ناو هاتوو دەستمان گرت بەسەر بڕی (یازدە کیلۆ و ٤٠٠ گرام) ماددەی هۆشبەر لە (جۆری کریستال )و (هیرۆین )و (تلیاک).

ڕوونیشیکردەوە، هەروەها سێ چەکی بێ مۆڵەت و چەند کەل و پەلێکی پێوانە کردن و کێشانی ماددەی هۆشبەر.ئاسایشی هەولێر دووپاتی کردەوە، سوپاسی هاوڵاتیان دەکەین کە هەمیشە هاوکاری بەڕێوەبەرایەتیەکەمانن لە پێدانی زانیاری.