هەرێم نیوز
دوو کەس دەستگیرکران بە تۆمەتی ئازاردان و کوشتنی منداڵێکی تەمەن نۆ ساڵان، پۆلیسی کەرکوک ئاشکرایدەکات کە ئەم دوو تۆمەتبارە کەسی نزیکی منداڵەکەن.
پۆلیسی كەركوك لە بڵاوکراوەیەکدا ڕایگەیاند، دوو كەسی بە تۆمەتی ئازاردان و كوشتنی منداڵێكی تەمەن 9 ساڵان لە شارۆچكەی دوومیز دەستگیر كرد، هەردوو تۆمەتبارەكە كەسی نزیكی منداڵەكەن.
باسی لەوەشکرد، دوای گەیاندنی تەرمی منداڵێكی تەمەن 9 ساڵ بۆ نەخۆشخانەی گشتی كەركووك، لە پشكنینەكان دەركەوت شوێنی ئازار بە جەستەیەوە هەبووە.
ئەوەشی خستەڕوو، دوای دەرچوونی پشكنینەكان، یەكێك لەو كەسانە دەستگیركران كە لەگەڵ تەرمی منداڵەكە هاتبووە نەخۆشخانە.
دووپاتی کردەوە، دواتر بە بڕیاری دادوەر، بنكەی پۆلیسی دوومیز كەسێكی دیكەشی بە تۆمەتی بەشداریكردن لە كوشتنی منداڵەكە دەستگیر كرد.باسی لەوەشکرد، ئێستا هەردوو تۆمەتبارەكە كە كەسی نزیكی منداڵەكەن، بەپێی ماددەی 406 لە یاسای سزادانی عێراقی دەستگیركراون و لێكۆڵینەوەش لە هۆكاری گیانلەدەستدانی منداڵەكە بەردەوامە.