هەرێم نیوز
وتەبێژی وەزارەتی ناوخۆی عێراق لەبارەی قەدەغەی هاتوچۆ بەمەبەستی ئەنجامدانی سەرژمێریی گشتی رایگەیاند، قەدەغەی هاتووچۆ لەسەرجەم ناوچەکانی عێراق و هەرێم تا كاتژمێر ١٢ـی شەوی ٢١ لەسەر ٢٢ـی ئەم مانگە بەردەوام دەبێت و بە هیچ شێوەیەك ماوەکەی درێژ ناكرێتەوە.
میقداد میری، وتەبێژی وەزارەتی ناوخۆی عێراق رایگەیاند، قەدەغەی هاتووچۆ تەنها بۆ دوو ڕۆژ دانراوە و درێژ ناكرێتەوە قەدەغەكە كۆتایی دێت.
وتیشی، ئەو هەواڵانەی لە سۆشیال میدیا بڵاوکراونەتەوە لەبارەی درێژکردنەوەی قەدەغەی هاتووچۆ دوورە لە ڕاستییەوە.
ئاماژەی بەوەش کردووە، ڕۆژی ڕابردوو پرۆسەی سه‌رژمێری گشتی دانیشتووان له عێراق و هه‌رێمی كوردستان دەستیپێکرد و ئەمڕۆش پرۆسەکە بەردەوام دەبێت
وتەبێژی وەزارەتی ناوخۆی عێراق جەختیشیکردەوە، قەدەغەی هاتووچۆ لەسەرجەم ناوچەکانی عێراق و هەرێم تا كاتژمێر ١٢ـی شەوی ٢١ لەسەر ٢٢ـی ئەم مانگە بەردەوام دەبێت.