هەرێم نیوز

وەزارەتی سامانە سرووشتییەکانی هەرێمی کوردستان رایدەگەیەنێت، تائێستا نزیکەی 465 هەزار خێزان نەوتیان وەرگرتووە.

ئەمڕۆ چوارشەممە 30ی10ی 2024 وەزارەتی سامانە سرووشتییەکان رایگەیاند، "تائێستا نزیکەی 93 ملیۆن لیتر نەوتی سپی بەسەر 465 هەزار خێزان دابەشکراوە، کە دەکاتە نزیکەی 40% کۆی نەوتی دابەشکراو."

هەرێمی کوردستان پێویستی بە زیاتر لە 268 ملیۆن لیتر نەوتە، تاوەکو ئێستا نزیکەی 93 ملیۆن لیتر نەوت بەسەر پارێزگا و ئیدارە سەربەخۆکاندا دابەشکراوە.

بەگوێرەی دوایین راگەیێندراوی وەزارەتی سامانە سرووشتییەکان، پار دابەشکردنی نەوت تاوەکو 27ـی ئاداری ئەمساڵ بەردەوام بووە، لەو ماوەیەدا لە هەولێر 153 هەزار و 422 خێزان، دهۆک 77 هەزار و 899 خێزان، لە سلێمانی و هەڵەبجەش 120 هەزار و 200 خێزان بەشە نەوتیان وەرگرت.