هەرێم نیوز
وەزارەتی تەندروستی لوبنان ڕایگەیاند، ژمارەی ئەو كەسانەی كە لە ئەنجامی هێرشەكانی ئیسرائیلدا لەو وڵاتە گیانیان لەدەستداوە گەشتوەتە، هەزار و 640 كەس، هەروەها بریندارەكان گەیشتوەتە زیاتر لە هەشت هەزار كەس، لەبارەی هێرشەكانی دوێنێوە وەزارەتەكە دەڵیت، " 11 كەس گیانیان لەدەستداوە و 108 كەسی دیكەش برینداربونە".
وەزارتی تەندروستی لوبنان، ئەمڕۆ شەممە لە ڕاگەیاندراوێكدا بڵاویكردەوە، لە ئەنجامی هێرشەكانی ئیسرائیل بۆسەر وڵاتەكە لە مانگی (تشرینی یەكەم/10)ی ساڵی ڕابردوەوە تاكو ئێستا، هەزار و 640 كەس گیانیان لەدەستداوە، كە لەو ژمارەیە 104 كەسیان منداڵن و 194 كەسی دیكەش ژنن.
ئاماژەی بەوەشكردوە، ژمارەی بریندارەکانی ئەو وڵاتە گەیشتوەتە هەشت هەزار و 408 کەس، جگەی لەوەی دەیان کەسیش تاكو ئێستا بێسەروشوێنن.
وەزارەتی تەندوستی لوبنان باسی لەوەشكرد، لە سەرەتای ڕوداوەکانی ئەم دواییە کە لە 16ی (ئەیلول/9)ەوە دەستیپێکردوە تا دوێنێ هەینی، هەزار و 30 كەس گیانیان لەدەستداوە، کە 56یان ژن و 87 منداڵن، هاوکات ژمارەی بریندارانیش گەیشتوەتە شەش هەزار و 352 كەس.
لەبارەی هێرشەكانی دوێنی ئیسرائیل بۆسەر بارەگای سەرەكی هێزەكانی حزبوڵا، وەزارەتی تەندروستی دەڵێت، "قوربانیانی هێرشەكەی دوێنێ گەیشتوەتە 119 كەس و لەو ژمارەیەش 11 كەسیان گیانیان لەدەستاداوە و 108 كەسی دیكەش برینداربونە كە برینی هەندێكیان سەختە".