هەرێم نیوز
نوسینگەی سوودانی ڕایگەیاند، ئەنجومەنی وەزیرانی عێراق بڕیاریدا، 367 ملیار دیناری دیکە بۆ دەستەى حەشدى شەعبى زیادبکات.
ئەمڕۆ سێشەممە نوسینگەى محەمەد شیاع سوودانی لە بەیاننامەیەکدا ڕایگەیاند، بە زۆرینەی دەنگی ئەندامانی ئەنجومەنی وەزیران، بڕیار درا لە زیادكردنی بڕی پارەی تەرخانكراو بۆ دەستەی حەشدی شەعبی بۆ ساڵی 2024، ئەمەیش بۆ گرەنتی مووچە و دەرماڵەكانی دەستەكە.
ئاماژەی بەوەشکرد، ئەم بڕیارەى ئەنجومەنى وەزیرانى عێراق، لەپێناو گرەنتی دابینكردنی مووچەی تەواوی كارمەندەكانی دەستەكەیە بێ كەموكوڕی.
ئەمە لە كاتێكدایە، تەنیا چەند رۆژێكی كەم كێشە لە بەشێكی مووچەی دەستەی حەشدی شەعبی دروستببوو.