هەرێم نیوز
پارێزگاری بانکی ناوەندیی عێراق رایگەیاند، ھیچ گرفتێک لە سیولەی دیناردا نییە و پلانی ستراتیژی دانراوە بۆ جێبەجێکردنی سیستمی پارەدانی ئەلیکترۆنی و کەمکردنەوەی دیاردەی بەکارھێنانی کاش.
ئەمڕۆ دووشەممە، عەلی عەلاق، پارێزگاری بانکی ناوەندی رایگەیاند، قەبارەی سیولەی کاش لە ئێستادا زیاتر لە ١٠٠ ترلیۆن دینارە کە بڕی ٧٠٪ی بۆ مامەڵەکردنە.
ئاماژەی بەوەشکردووە، دۆخی دارایی عێراق بە گشتی پشت بە داھاتی نەوت دەبەستێت و بەھۆی بەرزبونەوەی نرخی نەوتەوە دۆخەکەی باشە و گرنگە بەو داھاتە وەبەرھێنان بکرێت کە ھەلی بنیاتنان و گەشەپێدان دەھێنێتە دی.
پارێزگاری بانکی ناوەندیی رەتیدەکاتەوە گرفت لە کاشی دیناردا ھەبێت و دەشڵێت، ئاڕاستەکان بەو شێوەیەن کە دیاردەی کاش نەمێنێت کە کاریگەری نەرێنی گەورەی لەسەر ئابوری عێراق دروستکردووە و ئاڕاستەی حکومەت بەو شێوەیەیە پارەدانی ئەلیکترۆنی جێبەجێبکرێت .