هەرێم نیوز
کۆمیسیۆنی باڵای هەڵبژاردنەکانی عێراق رایگەیاند، وادەی نوێ کردنەوەی کارتی بایۆمەتری لە کەرکوک بۆ ماوەی پێنج رۆژ درێژ کراوەتەوە.
بڕیارە رۆژی 18ی کانوونی یەکەمی 2023، هەڵبژاردنی ئەنجومەنی پارێزگاکای عێراق (جگە لە پارێزگاکانی هەرێمی کوردستان) بە بەشداریی زیاتر لە 23 ملیۆن دەنگدەر بەڕێوەبچێت، له مانگی ته‌مموزیشه‌وه کۆمیسیۆنی باڵای سەربەخۆی هەڵبژاردنەکانی عێراق ده‌ستی به تۆماركردنی هاوپه‌یمانێتی و حزب و كاندیده‌كان كردوه.
ئەمڕۆ سێشەممە، کۆمیسیۆنی باڵای هەڵبژاردنەکانی عێراق لە نوسراوێکدا ئاماژەی بەوەکردووە، وادەی نوێ کردنەوەی کارتی بایۆمەتری لە کەرکوک و سەرجەم ناوچە کێشەلەسەرەکان بۆ ماوەی پێنج رۆژ درێژ کراوەتەوە.
ئاماژەی بەوەشکردووە، ئەندامانی کۆمیسیۆن لە رۆژانی پشووشدا لە کاتژمێر 8ی بەیانی بۆ 2ی پاشنیوەڕۆ لە بنکەکانی کۆمیسیۆن دەبن تاوەکو کارتی دەنگدان بۆ هاوڵاتیان نوێ بکەنەوە و داوا لە هاوڵاتیان دەکەن سەردانی بنکەکانیان بکەن بۆ وەرگرتنەوەی کارتەکانیان.
لە 12ی ئابدا، کۆمیسیۆنی باڵای هەڵبژاردنەکانی عێراق ماوەی مانگێک نوێکردنەوە و دەرهێنانی کارتی بایۆمەتری دەنگدانی لە هەرێم درێژ کردەوە.