هەرێم نیوز
سەرۆكی حكومەتی هەرێمی كوردستان لەرێگای تەلەفەونەوە پەیوەندی بەكەسوكاری ئەو خانەوادەیەوە دەكات كەلەتەقینەوەكەی گەرەكی سلێمانی بونە قوربانی .
مەسرور بارزانی، سەرۆکی حكومەتی هەرێمی كوردستان بە تەلەفۆن قسەی لەگەڵ کەسوکاری قوربانییەکانی رووداوی تەقینەوەكەی گەرەكی كازیوەی شاری سلێمانی كردو پێی رایگەیاندن،بەرپرسانم راسپاردوون و قسەم لەگەڵ پارێزگاری سلێمانی کردووە، کە ئامادەین بە هەموو شێوەیەک خزمەتی ئێوە بکەین و هەرچیمان لەدەست بێت بیکەین، بۆ چارەسەری بریندارەکان لەناوەوەی هەرێمی کوردستان یان دەرەوەی وڵات و قەرەبووکردنەوەی زیانە مادییەکان.
سەرۆكی حكومەتی هەرێمی كوردستان ئەوەشی بە كەسوكاری ئەو خانەوادەیە راگەیاندوە، کە پرسەی ئەو خێزانە، پرسەی هەمووانە و سڵاوی خۆشی گەیاند بە سەرجەم کەسوکاری قوربانییەکانی رووداوەکە.
هاوكات، بنەماڵەی قوربانییەکان سوپاسی سەرۆک بارزانی و مەسرور بارزانی سەرۆکی حکومەتی هەرێمیان کرد، کە لەم رووداوەدا پشتیوانی خۆیان بۆ دەربڕیون.