دواین هەواڵ

کوردستان‌

 پێش 2 هەفتە

مەکگۆرگ: تاوەکو یەکگرتنەوەی هێزەکان خێراتر بکرێن، هاوکارییەکانی ئەمریکاش بۆ پێشمەرگە بەردەوا دەبن

هەرێم نیوز

واشنتن دڵنیایی دەدات کە تاوەکو پڕۆسەی یەکخستن و یەکگرتنەوەی هێزەکان باشتر و خێراتر بکرێن، هاوکاری و یارمەتییەکانی ئەمریکاش بۆ پێشمەرگە زیاتر و بەردەوام دەبن.

وەزارەتی پێشمەرگە لە راگەیەنراوێکدا بڵاویکردەوە، ئەمڕۆ شۆڕش ئیسماعیل، وەزیرى پێشمەرگە، بە یاوەرى فەریق روکن عیسا عوزێر، سەرۆکی ئەرکان، بەیان سامى عەبدولرەحمان، نوێنەرى حکومەتى هەرێمى کوردستان لە ئەمریکا و شاندى یاوەرى، لە واشنتن لەگەڵ برێت مەکگۆرک، رێکخەرى کۆشکى سپى بۆ کاروبارى رۆژهەڵاتى ناوەڕاست و باکورى ئەفریقیا کۆبونەوە. 

ئەوەش خراوەتەڕوو، هەردولا گفتوگۆی چڕ و بەرهەم داریان لەسەر دۆخی ئێستای ناوچەکە و پڕۆسەی چاکسازی هێزەکانی پێشمەرگە ئەنجام دا، جەختیشیان کردەوە لەسەر پابەندبون بە هاوبەشێتى نێوان ئەمریکا و هەرێمى کوردستان و لەناوبردنى یەکجارەکى رێکخراوى داعش. 

ئاماژەی بەوەش کردووە، بەشێکی تری کۆبونەوەکە گفتوگۆکردن بو، لەسەر گرنگی یەکخستنەوەی هێزەکانی پێشمەرگە لەژێر چەتری وەزارەتی پێشمەرگە، دوپاتیش کرایەوە تا هەنگاوەکانی پڕۆسەی یەکخستن و یەکگرتنەوەی هێزەکان باشتر و خێراتر بکرێن، هاوکاری و یارمەتییەکانی ئەمریکا و هاوپەیمانان زیاتر و بەردەوام دەبێت.



Copyright © 2020 All Rights Reserved Designed And Developed By AVESTA GROUP