هەرێم نیوز

عەلی قازی، کوڕی تاقانەى پێشەوا قازی محەممەد لە تەمەنی 89 ساڵیدا لە شاری بۆنی ئەڵمانی کۆچی دواییکرد.

ئەمڕۆ یەکشەممە، عەلی قازی محەممەد کاتژمێر 05:00 ی بەیانی لە شاری بۆنی ئەڵمانیا کۆچی دواییکرد.

عەلی قازی محەممەد، لە ساڵی 1933 لە شاری مهاباد لە رۆژهەڵاتی کوردستان لەدایکبووە. لە کاتی راگەیاندنی کۆماری کوردستان تەمەنی 13 ساڵ بووە. ماوەیەک سەرۆکی پارتی ئازادیی کوردستان بووە، بەڵام بەهۆی نەخۆشییەوە دەستبەرداری پۆستەکەی بووە.

عەلی قازی تەنیا کوڕی پێشەوا قازی محەممەد بووە. پێشتر عەلی قازی داوای کردبوو لەکاتی مردنیدا تەرمەکەی ببرێتەوە بۆ مهاباد، بەڵام بە وتەی کەسوکاری تاوەکو ئێستا دیار نییە کەی تەرمەکەی دەگەڕێنرێتەوە بۆ رۆژهەڵاتی کوردستان.