ئامادەکردنی د . کامەران ڕسوڵ ژاژڵەیی - پسپۆڕی زانستی خۆراک
- ئایا حەپی میلاتۆنین زیانی هەیە ؟
-میلاتۆنین هۆرمۆنێکە لە لایەن غوودەی سنەوبەری ( pineal gland ) لە ناو مێشک دا دەڕێژرێت بەڵام هەندێک ئاماژە هەیە کە لە چاو و مۆخی ئێسک و ڕێخۆڵەش دا هەیە .
-میلاتۆنین بەهۆرمۆنی خەو یان تاریکایی ناسراوە و لێپراسراوە لە ڕێکخستنی ڕیتمی چالاکیەکانی جەستە و پەیوەندیەکی توندی هەیه لەگەڵ سەعاتی بایولۆجی ناو لەش .
- میلاتۆنین ڕاستەوخۆ پەیوەستە بە توانای مرۆڤەوە تا بخەوێت چونکە بەرزبوونەوەی ڕێژەکەی یارمەتی نووستن ئەدات لە ڕێگەی یارمەتی دانی جەستە بۆ جیاکردنەوەی شەو و بەستنەوەی بە هێمن بوونەوەی لەش و نووستنەوە .
- هەروەها میلاتۆنین بە یەکێک لە ماددە دژە ئۆکسانەکان دەدەنرێت .
-چۆنیەتی کارکردنی میلاتۆنین لە ناو لەش :
- میلاتۆنین وەک زەنگی ئاگادارکردنەوەی ناو جەستە وایە ، بۆیە به هەڵس وکەوت و خووی ڕۆژانە زۆر دەگۆڕێت ، مەبەست ئەوەیە کە میلاتۆنین یارمەتی لەش ئەدات تا ئاگادار بێت لە کاتی نووستن ، خواردن ، ئیش و کار ، چالاکی و وەرزش ، هتد .
- هەروەها میلاتۆنین کار لەسەر ڕێکخستنی پلەی گەرمی لەش دەکات لەگەڵ فشاری خوێن و ئاست و دروستکردنی هۆرمۆنەکانی تری لەش .
-ڕێژەی میلاتۆنین بە شێوەیەکی سەرەکی پەیوەستە بە ڕووناکی و تیشکی خۆر بۆیه دوای خۆرئاوابوون و تاریکایی ڕێژەکەی زیاد دەکات بەڵام ڕووناکی دەبێتە هۆی کەم بوونەوەی ڕێژەکەی .
-میلاتۆنینیش خۆی کۆمەڵێک ئاماژە دەنێرێت بۆ مێشک بۆ ڕێکخستن و بەڕێوەبردنی جەستە و چالاکیەکانی بە گوێرەی ڕووناکی دەرەوە ، بۆ نموونە شەوانە ڕێژەی دۆپامین دادەبەزێنێت تا لەش خاو بێتەوە .
- کۆمەڵێک هۆکار کاریگەریان هەیە لەسەر ڕێژەی میلاتۆنین :
١ - جگەرە کێشان .
٢ - ڕووناکی بەهێز بەشەو .
٣ - هیلاکی و ڕاهاتن کارکردن بە شەو .
٤ - تیشکی شین دەرچوو لە شاشەی ئامێرە ئەلکترۆنیەکانەوە .
٥ - چوونە،تەمەنەوە و پیر بوون .
-حەپ و کەپسولی میلاتونین :
- وەک هۆرمۆنی میلاتۆنین وایە و بەکاردەهێنیرێت بۆ ئەو کەسانەی کێشەی تێک چوونی خەویان هەیە بە تایبەت سەرو پەنجا ساڵ بۆ ماوەیەکی کورت خایەن و لەوانەی کەمی هۆرمۆنی میلاتۆنینیان هەیە ، باشی ئەم دەرمانە ئەوەیە نابێتە هۆی ئیدمان لەسەری و بۆ ڕۆژی دواتر ئەو کەسە زۆر گێژ نابێت و کار ناکاتە سەر چالاکی ڕۆژانەی ٚ ًبەڵام وێنەی هەموو دەرمانێک نابێت بێ سەرپەرشتی پزیشک بخورێت .
- بۆ خانمانی دوو گیان ناگونجێت
- بۆ خانمانی شیردەر باشترە بە کار نەیت تەنها کاتی زۆر پێویست نەبێت .
- بۆ مناڵان و تەمەنی کەمتر لە هەژدە ساڵ نابێت بێ ڕێنمیایی پزیشک بە کار بێت
- کاریگەرە لاوکیەکانی دەرمانی میلاتۆنین :
- زۆر باوەکان سەرئێشە ، ئازاری پشت ، بێهێزی .
- کاریگەری لاوەکی زۆر دەگمەن : توڕەیی ، ئارەق کردنەوە ، کەم خەویی دوای وازهێنان ، گێژیەکی کەم ، سک ئێشە ، زەردوویی ، زیادبوونی کێش
ئامادەکردنی د . کامەران ڕسوڵ ژاژڵەیی