دواین هەواڵ

کۆمەڵایەتی‌

 پێش 1 هەفتە

نیشانەی تری نەخۆشی خەمۆکی گەورە

د.جەعفەر عومەر - پزیشکی پسپۆری دەروونی

خودی نەخۆشی خەمۆکی بەو ٩ نیشانە سەرەکییە دەستنیشاندەکرێت کە لە پۆستی پێشوودا باسکراوە ، بەڵام چەند نیشانەیەکی تر هەن کە تووشبووان بە نەخۆشی خەمۆکی هەیانە و هەندێکجار نەخۆش هەست بەم نیشانانە دەکات و جاری واش هەیە ئەم نیشانانە هۆکارن بۆ دەرکەوتنی نیشانە سەرەکییەکان، ئەو نیشانانەش ئەمانەن:

نیشانە جەستەییەکان: جگە لە نیشانە جەستەییەکانی کە لە نیشانە سەرەکییەکان باسکروان (خەو, خواردن, جوڵە, بێهێزی) زۆربەی کات نەخۆش هەست بە ئازاری لاشەی دەکات وەکو سەرئێشە و لەشئێشە.

ئەمەش هۆکارەکەی دڵتوندییە کە ناتوانن دەریبرن بۆ چواردەور، لەبەرئەوە دەگۆرێت بۆ نیشانە جەستەییەکان. لە کۆمەڵگەی کوردیدا زۆرجار ئەم نەخۆشییە بە نیشانە جەستییەکانی وەکو ئازار دێنە لای پزیشک و پاش چەندین پشکنینی تاقیگەیی و گۆرینی چەندین دکتۆر نەخۆشییەکەیان دەستنیشان ناکرێت یان چاکنابنەوە!

نیشانە زیهنییەکان یان هەڵە زیهنییەکان: تێکچوونە لە بیرکردنەوە و تێگەیشتنەکانمان بۆ ژیان و چواردەور، بۆ نمونە بیرکردنەوەکانیان زۆربەی سلبیییە.

یان شتی بچوک گەورە دەکەن. ئەم نیشانانەش هەندێکجار بە نیشانە سەرەکییەکانی وەکو هەستی خۆبەکەمزانین و هەستکردن بە تاوان دەردەکەون. ئەم نیشانانە رۆڵی سەرەکییان هەیە لە چارەسەر و چاکبونەوەی نەخۆش و دیاریکردنی جۆری چارەسەر.

نیشانە دەرونییەکانی تر: هەندێکجار نەخۆش نیشانەی دەرونی تری دەبێت بەتایبەت قەلەقی، هەروەها دەگونجێت کە رارایی یان وەهمی هەبێت.



Copyright © 2020 All Rights Reserved Designed And Developed By AVESTA GROUP