هەرێم نیوز
لە ماوەی 24 سەعاتی رابردودا بەهۆی توشبون بە پەتای وەرزی 700 منداڵ سەردانی کلینیکی ڕاوێژکاری نەخۆشخانەی د.جەمال ئەحمەد ڕەشیدی منداڵانی فێرکارییان له شاری سلێمانی کردووە 100 منداڵیش داخڵی نەخۆشخانەی منداڵانی سلێمانی کراون.
د.پشدەر عەبدوڵا، بەڕێوبەری نەخۆشخانەی د. جەمال ئەحمەد رەشیدی منداڵانی فێرکاری و پزیشکی پسپۆڕی نەخۆشییەکانی منداڵان رایگەیاند، زیاتر لە (100) منداڵ لەم نەخۆشخانەیە بەهۆی توشبون بە پەتا وەرزییەکان بەمەبەستی چارەسەرکردن داخڵکراون.
وتیشی، لەماوەی (24) سەعاتی رابردوودا (700) منداڵ سەردانی بەشی کلینیکی ڕاوێژکاری نەخۆشخانەکەیان کردوە و لەلایەن پزیشکی پسپۆڕی منداڵانەوە بینراون و چارەسەری پێویستیان بۆ کراوە.
بە پێی وتەی پزیشکانی پسپۆر ساڵانە لەپایزدا پەتای وەرزی سەرهەڵدەدات و خەڵكێكی زۆر لەهەموو تەمەنەكان توشی دەبن.