هەرێم نیوز
رێکخراوی تەندروستی جیهانی رایگەیاند، کۆرۆنای دەلتا بەشێوەیەکی مەترسیدار بڵاودەبێتەوە و 75% کۆی توشبوانی جیهانیش لەو جۆرەن.
ئەمڕۆ 21ی تەموزی 2021، رێکخراوی تەندروستی جیهانی رایگەیاند، لەئێستادا كۆرۆنای گۆراوی جۆری "دەلتا" بەخێراترین رێگا بڵاودەبێتەوە و 75% کۆی توشبوانی جیهانیش لەو جۆرەن.
تەندروستی جیهانی دەشڵێت:" پێشبینی دەکەین کۆرۆنای دەلتا هەمو جیهان داگیربکات".
ئەوەشی خستەڕوو، جۆری گۆڕاوی کۆرۆنای دەلتا کە سەرەتا لە هیندستان سەریهەڵدا، لەئێستادا لە 124 وڵات تۆمارکراوە و لەزۆربەی وڵاتانیش زۆرینەی توشبوان پێکدەهێنێت.
تەندروستی جیهانی راشیگەیاند، كۆرۆنای دەلتا تەنها لەماوەی دوو هەفتەی رابردوو، لە 13 وڵاتی دیکە بڵاوبوەتەوە.