دواین هەواڵ

کوردستان‌

 05/07/2021

پارتی: له‌ سلێمانی ده‌نگمان به‌شێوەیه‌ک زیاد ده‌بێت که‌ له‌ ئاست چاوه‌ڕوانی جەماوەرەکەماندا بێت

  1. هه‌رێم نیوز
     به‌رپرسی‌ لقی‌ چواری‌ پارتی‌ دیموکراتی‌ کوردستان ده‌ڵێت، به‌ پلانێکی‌ تۆکمه‌ و ورد و به ‌له‌به‌رچاوگرتنی‌ به‌رژه‌وه‌ندییه‌ باڵاکانی‌ هاوڵاتییانی‌ کوردستان، ئاماده‌كارییه‌كانی خۆمان بۆ هه‌ڵبژاردنی داهاتو ده‌ستپێكردوه‌.

    سه‌عید سه‌لیم، به‌رپرسی‌ لقی‌ چواری‌ پارتی‌ دیموکراتی‌ کوردستان، به‌ ماڵپه‌ڕی‌ فه‌رمیی‌ پارتی‌ وتوه‌: "پارێزگای‌ سلێمانی‌ به‌گشتی‌ کراوه‌ به 5 بازنه‌ی‌ هه‌ڵبژاردن، سنوری‌ لقی‌ چوار له‌گه‌ڵ  لقی‌ 21  کراوه‌ به‌ دو بازنه‌، ئێمه‌ بۆ هه‌ردو بازنه‌که‌ کاندیمان هه‌یه‌ که‌ هه‌ردوکیان ئافره‌تن.

    ئاماژه‌ی‌ به‌وه‌شداوه‌، به ‌له‌به‌رچاوگرتنی‌ دۆخه‌که‌ و پێداویستی‌ قۆناغه‌که‌ له‌ سنوری‌ سلێمانی‌ به‌ پلانێکی‌ تۆکمه‌ و زانستی‌ ئاماده‌کارییه‌کانی‌ خۆیان له‌سه‌ر کۆی‌ ئۆرگانه‌کانی‌ ده‌ستپێکردوه‌و کاریان له‌سه‌ر کردوه‌و رونیكردوه‌ته‌وه‌ "ئاراسته‌ی‌ پلانه‌که‌ به‌ شێوه‌یه‌ک دانراوه‌ که‌ بتوانین زۆرترین ده‌نگ له‌سه‌ر ئاستی‌ کاندیده‌کانمان به‌ده‌ستبهێنین، ئه‌نجامانی‌ هه‌ڵبژاردن وه‌ڵامده‌ره‌وه‌ی‌ سه‌روه‌رییه‌کان و خوێنی‌ شه‌هیدانه‌کانمان ده‌بێت".

    به‌رپرسی‌ لقی‌ چواری‌ پارتی‌ دیموکراتی‌ کوردستان باسی له‌وه‌كردوه‌: "جه‌ماوه‌ر و لایه‌نگرانی‌ پارتی‌ له‌ سلێمانی‌ ئێمەیان قه‌رزدارکردوه‌، به‌پێی‌ هه‌مو پێوه‌ر و ئاماژه‌کان له‌سه‌ر  بنه‌مای ئه‌و پلانه‌ گشتگیره‌ی‌ دانراوه‌، به‌دڵنیایییەوە ده‌نگی‌ پارتی‌ به‌شێوەیه‌ک زیاد ده‌بێت که‌ له‌ ئاست ئه‌و چاوه‌ڕوانییه‌دا بێت که‌ جه‌ماوه‌ره‌که‌ی‌ هه‌یه‌تی‌".



هەواڵی پەیوەندیدار

هەواڵی زیاتر

زۆرترین بینراو


Copyright © 2020 All Rights Reserved Designed And Developed By AVESTA GROUP