سەرەکی
کوردستان
عێراق
جیهان
ڕاپۆرت و چاوپێکەوتن
بیروڕا
ئابوری
کۆمەڵایەتی
وەرزش
هەمەڕنگ
تەندروستی
کلتور
گەلەری
ڤیدیۆ
دواین هەواڵ
ڕاپۆرت و چاوپێکەوتن
پێش 3 هەفتە
یۆنامی: له‌ماوه‌ی 2 ساڵدا 48 چالاكوان له عێراق تیرۆركراون
هه‌رێم نیوز
به‌پێی راپۆرتی نێرده‌ی تایبه‌تی نه‌ته‌وه‌یه‌كگرتوه‌كان له عێراق "یونامی" ، له سه‌ره‌تای ساڵی 2019ه‌وه تاوه‌كو مانگی رابوردوی ئه‌مساڵ، 48 روداوی تیرۆركردنی چالاكوانان له عێراق تۆماركراوه، تا ئێستاش جێبه‌جێكاری ئه‌و تاوانانه سزا نه‌دراون.
راپۆرته‌كه‌ی "یونامی" ئاماژه بۆ ئه‌وه ده‌كات، له عێراق چه‌كدارانی نه‌ناسراو ته‌قه له خه‌ڵك ده‌كه‌ن، به‌وهۆیه‌وه تا ئێستا 32 كه‌س گیانیان له ده‌ستداوه، وێڕای هه‌بونی حاڵه‌تی ده‌ستگیركردنی بێ لێكۆڵینه‌وه.
"یونامی" له عێراقدا ده‌ڵێت: تا ئێستا 20 خۆپیشانده‌ر له‌لایه‌ن چه‌كدارانی نه‌ناسراو بێ سه‌روشوێن كراون، بێ ئه‌وه هه‌وڵبدرێت شوێنه‌كانیان ئاشكرابكرێت.
راشیگه‌یاندوه، ته‌نانه‌ت حكومه‌تی عێراقی نه‌یتوانیوه رێز له ماڵباتی قوربانیان بنێت، به مه‌به‌ستی دۆزینه‌وه‌ی بكه‌ری ئه‌و تاوانانه و جێبه‌جێكردنی یاسا به‌سه‌ر تاوانباران، حكومه‌ت ته‌نیا خه‌ریكی ده‌ركردنی به‌یاننامه و دروستكردنی لیژنه‌یه، بێئه‌وه‌ی هیچ ئه‌نجامێكی هه‌بێت.
به‌پێی راپۆرته‌كه‌ی "یونامی"، لێكۆڵینه‌وه‌ی ده‌رباره‌ی 8163 كه‌یس كراوه، له‌نێویاندا 3897 دۆسیه به كراوه‌یی ماونه‌ته‌وه و لێكۆڵینه‌وه له‌باره‌یانه‌وه به‌رده‌وامه، 783 دۆسیه نێردراوه بۆ دادگای تاوان، 1122كه‌یسیش داخراون.
گروپه چه‌كداره‌كانی سه‌ر به ئێران ته‌نگیان به ده‌نگه ناڕازییه‌كان هه‌ڵچنیوه
له دوای سه‌رهه‌ڵدانی خۆپیشاندانه‌كانی مانگی تشرینی 2019 له به‌غداو شاره‌كانی دیكه‌ی عێراق، كه زیاد له 800 خۆپیشانده‌رو چالاكوان و رۆژنامه‌نوسی تێدا كوژراو 25 هه‌زار برینداریشی لێكه‌وته‌وه، بەردەوام ده‌ستی تۆمه‌ت بۆ ئه‌و گروپه میلیشیانه درێژ ده‌كرێت كه به‌ناوی جیاواز جیاوازه‌وه له‌ناو حه‌شدی شه‌عبیدا کۆکراونەتەوە.
بەڵام لەگەڵ ئەوەش به‌شێوه‌یه‌كی به‌رده‌وام له‌لایه‌ن چالاكوانانی كۆمه‌ڵگه‌ی مه‌ده‌نی و خۆپیشانده‌رانه‌وه، میلیشیاكانی سه‌ر به حه‌شدی شه‌عبی کە نزیكن له ئێرانەوە به سه‌ركوتكردنی خۆپیشاندانه‌كان و رفاندن و كوشتنی چالاكوانان و ئه‌و رۆژنامه‌نوسانه تۆمه‌تبار ده‌كرێت كه روماڵی روداوه‌كان ده‌كه‌ن، کەچی حکومەت نەیتوانیوە ڕوبەڕوی ئەو گروپانە هیچ هەنگاوێک بنێت.
هەرچەندە فشاری ناوخۆی و نێوده‌وڵه‌تیش به‌شێوه‌یه‌كی به‌رده‌وام هه‌یه بۆ ئاشكراكردنی ئه‌و لایه‌نانه‌ی له پشت كوشتنه رێكخراوه‌كانه‌وه‌ن و زۆبه‌ی تۆمه‌تباركردنه‌كانیش ده‌ڕواته‌وه سه‌ر گروپه چه‌كداره‌كانی نزیك له ئێران.
ئێران بوه به په‌ناگه‌ی بكوژه‌كان
لە 15/2/2021 سه‌رۆكی ئه‌نجومه‌نی وەزیرانی عێراق و فه‌رمانده‌ی گشتی هێزه چه‌كداره‌كانی عێراق ده‌ستگیركردنی "باندی مردن"ی راگه‌یاند، كه له‌ماوه‌ی رابوردودا به‌رپرس بوه له كوشتنی ده‌یه‌ها رۆژنامه‌نوس و چالاكوانی مه‌ده‌نی و فه‌رمانبه‌ر و خه‌ڵكی سڤیلی شاری به‌سره.
سه‌رۆكی بانده‌كه‌و هاوكارێكی سه‌ره‌كی تری له ئێستادا هه‌ڵاتون بۆ ئێران و به‌پێی زانیارییه‌كان، عێراق به‌شێوه‌یه‌كی ره‌سمی داوای راده‌ستكردنه‌وه‌یانی كردوه‌ته‌وه، به‌ڵام تاران هێشتا هیچ وه‌ڵامێكی جدی نه‌داوه‌ته‌وه..
ده‌ستگیركردنی ئه‌و بانده كۆمه‌ڵێك پرسیاری سه‌باره‌ت به گه‌شتن به سه‌رۆكی بانده‌كه‌و ئه‌و لایه‌نه‌ی پشتیوانی ده‌كات له شه‌قامی عێراقیدا وروژاند.
به‌گوێره‌ی چه‌ند سه‌رچاوه‌یه‌كی ئه‌منی، كه بۆ سایتی ئیندپێندت-ی عه‌ره‌بی قسه‌یان كردبو، چه‌ند لایه‌نێكی ده‌سه‌ڵاتدار رۆڵیان هه‌بوه له ئاودیوكردنی چه‌ندین داواكراو له دۆسیه‌ی كوشتنی چالاكوانان و رۆژنامه‌نوسان به‌ره‌و وڵاتی ئێران.
سه‌رچاوه‌‌كە وتبو‌ی: "عێراق داوای له ئێران كردوه 70 داواكراویان راده‌ست بكات، له‌ناو ئه‌و داواكراوانه‌ش سه‌رۆكی باندی مردن هه‌یه".
له 8ی شوباتى ئەمساڵ، ئیبراهیم ره‌ئیسی، سه‌رۆكی ده‌زگای دادوه‌ری ئێران هاته عێراق، به‌گوێره‌ی زانیارییه‌كان یه‌كێك له‌و دۆسیه سه‌ره‌كییانه‌ی له‌گه‌ڵیدا باسكرا، راده‌ستكردنه‌وه‌ی ئه‌و تۆمه‌تبارانه بو، كه ئێستا له ئێران داڵده دراون.
سه‌رچاوه باڵاكەی عێراق بە ئیندپێندتی راگه‌یاندبو: "لایه‌نی عێراقی به لایه‌نی ئێرانیان وتوه، ئێران بوه به گه‌نجینه‌یه‌كی قه‌ره‌باڵغی ئەو کەسانەی لە عێراق داواكراون له چوارچێوه‌ی دۆسیه‌ی كوشتنی چالاكوانان و ڕۆژنامەنوسان و پێویسته راده‌ستبكرێنه‌وه پێش ئه‌وه‌ی بابه‌ته‌كه دزه بكات بۆ ناو میدیاكان".
كازمی بێتوانایه له ئاشكراكردنی بانده‌كانی كوشتن و رفاندن
لە کانونی یەکەمی 2020دا هەشت رێکخراوی تایبەت بە پاراستنی مافەکانی مرۆڤ رایانگەیاند، حکومەتی عێراق نەیتوانیوە بەرپرسیارێتییەکانی جێبەجێبکات و تاوانباران بدۆزێتەوە و سزایان بدات، راوێژکارانی باڵای حکومەتیش بۆ ئاژانسی هەواڵی فرانس پرێس_یان رونکردوەتەوه، بەگوێرەی لێکۆڵینەوە و زانیارییە هەواڵگرییەکانیان، ئەنجامدەرانی ئەو کوشتنانە ئەندامی هێزە سەربازییەکانی وڵات بون، کە مەبەست هێزەکانی حەشدی شەعبیە.
جگه له خۆپیشاندانه‌كانی شارەکانی عێراق كه بۆ ئاشكراكردنی بكوژان و رفێنه‌رانی خۆپیشانده‌ران و چالاكوانان و رۆژنامه‌نوسان رێكده‌خرێن، فشاری نێوده‌وڵه‌تیش به‌شێوه‌یه‌كی به‌رده‌وام هه‌یه بۆئاشكراكردنی ئه‌و لایه‌نانه‌ی له پشت كوشتنه رێكخراوه‌كانه‌وه‌ن و زۆربه‌ی تۆمه‌تباركردنه‌كانیش ده‌ڕواته‌وه سه‌ر گروپه چه‌كداره‌كانی نزیك له ئێران كه ئێستا خۆیان له‌ناو حه‌شدی شه‌عبیدا رێكخستوه؛ ئه‌مه‌ش ئه‌وه‌نده‌ی تر ئه‌ركی حكومه‌تی به سه‌رۆكایه‌تی كازمی قورس كردوه‌و توانای هه‌ر جوڵه‌یه‌كی له‌به‌ر بڕیوه كه به ئاراسته‌ی ئاشكراكردن و ده‌ستگیركردنی بانده‌كانی كوشتنی خۆپیشانده‌ران ده‌ینێت.
هەواڵی پەیوەندیدار
12 کاتژمێر پێش ئێستا
بارام مەجید خان: ئێمە نامانەوێت دەستورمان هەبێت وەک عیراق بەڵکو ئەبێ کوردستان بکەینە وڵاتێکی دەستوری
12 کاتژمێر پێش ئێستا
بۆچی رەئیسی سەرکەوت؟
2 رۆژ پێش ئێستا
فرانس پرێس: ئه‌و پاره‌یه‌ی حه‌شد ده‌ستیده‌خات، ئێران و حیزبوڵای لوبنانی سودی لێوه‌رده‌گرن
هەواڵی زیاتر
8 کاتژمێر پێش ئێستا
وته‌بێژی حكومه‌ت دڵنیایی ده‌دات له‌باره‌ی دابه‌شكردنی موچه‌وه
2 رۆژ پێش ئێستا
سەنتەری میترۆ: ڕاگەیەندراوێكی لەسەر هێرشكردنە سەر رۆژنامەنوسان بڵاوكردەوە
4 رۆژ پێش ئێستا
جوتیار عادل: هەوڵی جدی دەدەین بە رێژەى 100% موچە بدەین
زۆرترین بینراو
1
16 کاتژمێر پێش ئێستا
حکومەتی عێراق قەرز دەداتە هاوڵاتیان بۆ یەکەی نیشتەجێبوون و هەرێمیش دەگرێتەوە
2
5 رۆژ پێش ئێستا
وەزارەتی تەندروستی لەسەر نەخۆشخانەی هیوا هاتە دەنگ
3
6 رۆژ پێش ئێستا
هاوسەری حەلا کچە بچووکەکەی سەدام حسين لە زیندان ئازاد كرا
4
4 رۆژ پێش ئێستا
کامیل مەحمود: دەستور هەمیشە زامنی سەقامگیری سیاسی و کۆمەڵایەتی و ئابوری وڵاتە
5
2 رۆژ پێش ئێستا
رونکردنەوەى وەزارەتی پێشمەرگە لەبارەى کوژرانی ئەندامێکی تیپی جوق و مۆسیقای سەربازی
6
5 رۆژ پێش ئێستا
نازناوی قەیرەیی وەک شۆکێک بۆ ئافرەتان
Copyright © 2020 All Rights Reserved Designed And Developed By AVESTA GROUP