دواین هەواڵ

ئابوری‌

 پێش 1 هەفتە

حكومه‌تی هه‌رێم داوا له‌ دیوانی‌ چاودێری حكومه‌تی به‌غدا ده‌كات بڕگه‌كانی بودجه‌ جێبه‌جێ بكات

  1. هه‌رێم نیوز
    له‌ راگه‌یه‌ندراوێكدا، فه‌رمانگه‌ی میدیا و زانیاریی حكومه‌تی هه‌رێمی كوردستان رایگه‌یاند، له‌ رێگه‌ی نوسراوێكه‌وه‌ كه‌ له‌ دیوانی چاودێری دارایی ھەرێمی کوردستان ئاراسته‌ی دیوانی چاودێریی دارایی حكومه‌تی فیدراڵی عێراق كراوه‌، داواكراوه‌ بڕگه‌كانی یاسای بودجه‌ی فیدراڵ جێبه‌جێ بكه‌ن.

    ده‌قی راگه‌یه‌ندراوه‌كه‌ی فه‌رمانگه‌ی میدیا و زانیاریی حكومه‌تی هه‌رێمی كوردستان:


    لە کۆبوونەوەی ئەنجومەنی وەزیران لە 7 نیسانی 2021، وەزارەت و لایەنە پەیوەندیدارەکان راسپێردران هەنگاوی کردەیی جێبەجێکردنی یاسای بودجەی فیدراڵی ساڵی 2021، بگرنە بەر.

    لەم چوارچێوەیەدا، دیوانی چاودێری دارایی ھەرێمی کوردستان، بەمەبەستی دانانی پلانی هاوبەش بۆ ووردبینیکردنی داهاتەکان و دەستنیشان کردنی نوێنەر، نووسراوێکی ئاراستەی دیوانی چاودێری دارایی فیدراڵی کردووە و نوێنەری هەرێم لەم بارەوە دەستنیشان کردووە و داوا لە دیوانی چاودێری عێراقی فیدڕاڵ دەکات هەمان ئەو رێکارانە بگرنە بەر بۆ جێبەجێکردنی بڕگەکانی یاسای ناوبراو.

    فەرمانگەی میدیا و زانیاریی حکومەتی هەرێمی کوردستان



Copyright © 2020 All Rights Reserved Designed And Developed By AVESTA GROUP