دواین هەواڵ

کۆمەڵایەتی‌

 پێش 2 هەفتە

نەخۆشی دڵپیسی (غیرە) چارەسەری چییە؟

بیار حاجی کەمال توێژەری_دەرونی

دڵپیسی بریتییە لە هەڵچوونێکی مرۆیی کە مرۆڤ هەستێکی تایبەتی هەیە کە تیایدا تاک هەست بە نەبوونی ئاسایش دەکا دەربارەی لەدەستدانی شتێک کە خاوەنییەتی! هەردوو رەگەز توشی دڵپیسی دەبن; ژنان توشی دڵپیسی دەبن بەهۆی گومان لە رووی هەستوسۆزەوە و پیاوانیش بەهۆی گومان لە پەیوەندییە سێکسییەکان.

لەبەرئەوە رەگەز پیوەریکی سەرەکی نییە, بەلکو دڵپیسی هەڵچونێکی نیگەتیڤی مرۆڤەکانە. ئەم هەستە هەندیکجار مەترسیدارە و سێیەم هۆکاری تاوانە لە جیهاندا. بۆ چارەسەری ئەم هەستە رەچاوی ئەم خالانە بکە:

- دیاریبکە کە ئایا دلپیسییەکەت شتیکی یاساییە یاخود توشی نەخۆشی دلپیسی بویت؟ ئەگە نەخۆشبیت ئەوە بەم نیشانانە دەیناسیتەوە: دلپیسییەکەت لە رادەی ئاسایی چۆتە دەرەوە و کاریگەری گەورەی کردۆتە سەر ژیانت, لە لایەن خۆتەوە بەبی بوونی بەلگە پیتوایە کە هاوسەرەکەت خیانەتت لیدەکات, کاتی زۆر بە گەران بەدوای بەلگەدا بۆ سەلماندنی بیرکردنەوەکەت تەرخان دەکەیت و زۆ رەفتار دەکەیت بۆ سەلماندنی راستی بیرت بەلام هیچ بەلگەت دەستناکەوێت....

ئەگە نەخۆشیت ئەوە پیویستە جارەسەر وەرگریت, ئەگەرنا رەچاوی ئەم خالانەی خوارەوە بکە: - رابوردوت دەربخە: بزانە رابوردوت چۆن گوزەراوە و ئەو دلپیسییەت لە کویوە سەرچاوەی گرتووە، ئەمە هەنگاوی یەکەمە هەتا بتوانیت مامەلەی دروست بکەیت لەگەڵ دلپیسی.

لێرەوە تیدەگەیت کە دلپیسییەکەت لە چییەوە هاتووە و زۆرجار شتیکی ساکارەو دەزانیت پێویست بە دڵپیسی ناکات! - رابردوو لە ئێستا جیابکەرەوە: ئەگەر لە رابردوو کەسیک خیانەتی لێکردویت یان هاوسەرت جارێک کاریکی نەخوازراوی کردووە ئەوە جیاوازە و بەردەوام بەو جاوەوە سەیری مەکە.

- بە هاوسەرەکەت بلێ کە هەست بەچی دەکەیت بەرانبەری: ئەمەش لە روانگەی ئەم تێروانینەوە "ئەگەر نەتوانیت بیڵێیت ئەوە دەیکەیتە رەفتار" واتە هەرچیت هەیە بە هاوسەرەکەتی بڵێ. ئەمەش جگە لە رێگریکردن لە رەفتاری نەخوازراو هەروەها دلنیایی وەردەگریت لە لایەن هاوسەرتەوە.

- چارەی فشارەکان بکە: خودی دلپیسی دەبیتە هۆی دروستبوونی فشار, لەبەرئەوە بە تەکنیکەکانی خۆخاوکردنەوە فشارەکان کەمبکەرەوە کاتیک هەستدەکەیت دلپیسیت بۆ دێت. - پەیوەندییەکانتان: زۆر کراوەبن دەربارەی پەیوەندییەکانتان لەگەل خەلکی و باسی بکەن لەگەل هاوسەرانتان. پەیوەندی نێوان خۆت و هاوسەرتان هەتا بەهیزبێت ئەگەری دلپیسی کەمدەبێتەوە.

- لە ژیانی هاوسەریتدا هەرگیز خۆت بە خەلکی بەراورد مەکە کە چۆن بەیەکەوە رەفتار دەکەن, چوونک ئێوە دوو مرۆڤی جیاوازن و خێزانیکی جیاوازن و ژیانیکی جیاوازتان هەیە.

 



Copyright © 2020 All Rights Reserved Designed And Developed By AVESTA GROUP