هەرێم نیوز
سەرۆکایەتیی شارەوانیی بنەسڵاوە ڕایگەیاند بە مەبەستی ڕێگری لە دروستبوونی لافاو و کۆبوونەوەی ئاو، هەڵمەتێکی گەورەی خاوێنکردنەوەی ئاوەڕۆ و ڕێڕەوە ئاوییەکان دەستیپێکرد.
ئەمڕۆ پێنجشەممە، 1ـی 10ـی 2026، لە چوارچێوەی ئامادەکارییەکانی فەرمانگەکانی ئاو و ئاوەڕۆ و شارەوانی بۆ وەرزی زستان و بارانبارین، سەرۆکایەتیی شارەوانیی بنەسڵاوە بە هاوکاریی بەڕێوەبەرایەتیی ئاوەڕۆی هەولێر، دەستیان بە خاوێنکردنەوەی ژێرپرد و ڕێڕەوە ئاوییەکان کردووە.
ئاماژەی بەوەش کراوە، ئامانجی ئەم هەڵمەتە ڕێگریکردنە لە کۆبوونەوەی ئاوی زیادەی باران و کەمکردنەوەی مەترسییەکانی دروستبوونی لافاو لە سنووری شارەوانیی بنەسڵاوە لە وەرزی زستاندا.