هەرێم نیوز
د. ئارام محەمەد قادر، وەزیری خوێندنی باڵا و توێژینەوەی زانستیی هەرێم ڕایگەیاند هەنگاوەکانیان بۆ دامەزراندنی سێ یەکەمەکانی زانکۆ و پەیمانگاکان دەستپێکردووە.
ئەمڕۆ هەینی، 25ـی 9ـی 2026، میدیاکان بڵاویانکردەوە، د. ئارام محەمەد قادر، وەزیری خوێندنی باڵا و توێژینەوەی زانستیی حکومەتی هەرێمی کوردستان ڕایگەیاند، کارگێڕیی وەزارەتەکەی دەستی بە هەنگاوە کۆنکرێتییەکان کردووە بۆ دامەزراندنی سێ یەکەمەکانی سەر ئاستی زانکۆ و پەیمانگاکانی هەرێم.
ئاماژەی بەوەش کردووە، سەرجەم بودجە و هێڵە گشتییەکانی پەیوەست بەم پرسەیان ڕەوانەی حکومەتی فیدراڵ لە بەغدا کردووە، تاوەکو لە چوارچێوەی پڕۆژەیاسای بودجەی گشتیدا جێگیر بکرێن و بڕیاری کۆتاییان لەسەر بدرێت.
لە بەشێکی دیکەی لێدوانەکەیدا، وەزیری خوێندنی باڵا پشتگیریی تەواوی خۆی بۆ داواکارییەکانی ئەو دەرچووانە دووپاتکردەوە و ئاماژەی بەوە کرد کە هەموو هەوڵێک دەدەن بۆ دەستەبەرکردنی شایستە دارایی و دامەزراندنیان.