هەرێم نیوز
قایمقامیەتی قەزای کۆیە ڕایگەیاند بەهۆی پابەندندەنەبوون بە ڕێنماییەکان و دەرنەچوونی بەنزینەکەی لە پشکنین، بەنزینخانەیەک لە سنووری قەزاکە سزادرا و داخررا.
ئەمڕۆ سێشەممە، 22ـی 9ـی 2026,، لە ئەنجامی گەڕان و بەدواداچوونی لیژنەی سووتەمەنیی قایمقامیەتی قەزای کۆیە بۆ بەنزینخانەکانی سنوورەکە، بڕیاردرا بە سزادانی بەنزینخانەی «دەروازەی شار» لە ناو شاری کۆیە.
ئاماژەی بەوەش کراوە، سزادانی بەنزینخانەکە بەهۆی پابەندنەبوون بە ڕێنمایی و بڕیارەکان و دەرنەچوونی نموونەی بەنزینەکەی بووە لە پشکنیندا.
لە بەشێکی دیکەی ڕاگەیەندراوەکەدا، قایمقامیەتی قەزای کۆیە ڕوونی کردەوە کە سزاکە بریتییە لە پێبژاردنی دارایی بە بڕی یەک ملیۆن و پێنجسەد هەزار دینار،، بەستنی بەنزینخانەکە بۆ ماوەی چوار ڕۆژ و گۆڕینی تەواوی بەنزینە خراپبووەکەی.