هەرێم نیوز
ئەمڕۆ سێشەممە، ٢٢ی ئەیلوول، مەسرور بارزانی، سەرۆکی حکومەتی هەرێمی کوردستان، پێشوازی لە کریستیان ئۆلفکە، کونسوڵی گشتیی نوێی ئەڵمانیا لە هەرێمی کوردستان کرد.
پشتگیریی حکومەتی هەرێم و فەراهەمکردنی ئاسانکاری
سەرۆکی حکومەت وێڕای پیرۆزبایی بۆ دەستبەکاربوونی، پشتیوانیی حکومەتی هەرێمی کوردستانیشی بۆ سەرخستنی ئەرکەکەی دووپات کردەوە.
پەرەپێدانی پەیوەندییە دووقۆڵییەکان
کونسوڵی گشتیی نوێی ئەڵمانیا، جەختی لە پەرەپێدانی پەیوەندییەکانی ئەڵمانیا و هەرێمی کوردستان لە بوارە جۆراوجۆرەکاندا کردەوە.
لە بەشێکی دیکەی دیدارەکەدا، گفتوگۆ لەبارەی دۆخی گشتیی هەرێمی کوردستان و عێراق و ناوچەکە کرا.