هەرێم نیوز
تورکیا چوار لیژنەی تایبەت بۆ هەماهەنگیی کاروباری دادوەری، بەدواداچوون، سازانی کۆمەڵایەتی و چەکداماڵینی ستراتیژی لەژێر چاودێریی جێگری سەرۆککۆماردا پێکهێنا.
ئەمڕۆ چوارشەممە، 26ـی 8ـی 2026، میدیاکان بڵاوەیانکردەوە، ئەم بڕیارە لە یەکەمین کۆبوونەوەی "ئەنجوومەنی بەدواداچوون و هەڵسەنگاندنی تورکیا" بە سەرۆکایەتی جەودەت یڵماز، جێگری سەرۆککۆمار و بە ئامادەبوونی وەزیرانی داد، دەرەوە، ناوخۆ، بەرگری و بەرپرسانی باڵای ئەمنی و هەواڵگری دراوە.
ئاماژەی بەوەش کراوە، دامەزراندنی ئەم لیژنانە لە چوارچێوەی جێبەجێکردنی یاسای ژمارە 7595 بۆ بەهێزکردنی هاوسۆزیی نیشتمانی و تەواوکاریی کۆمەڵایەتی دێت، کە ئامانج لێی بنبڕکردنی یەکجاریی توندوتیژی و چەسپاندنی ئاشتیی ناوخۆییە لە وڵاتەکەدا.