هەرێم نیوز 

فەرماندەیی ناوەندیی هێزەکانی ئەمریکا (سێنتکۆم) ڕایگەیاند، کەشتیی فڕۆکەهەڵگری "یو إس إس جۆرج واشنتۆن" (USS George Washington) و کۆمەڵەی شەڕکەری یاوەری، لە چوارچێوەی بەهێزکردنی ئامادەیی سەربازیی واشنتۆن لە ناوچەکە، گەیشتوونەتە ڕۆژهەڵاتی ناوەڕاست و دەستیان بە ئەرکەکانیان کردووە.

جێگرتنەوەی ئەبراهام لینکۆڵن

گەیشتنی ئەم کەشتییە فڕۆکەهەڵگرە نوێیە لە چوارچێوەی پرۆسەی جێبەجێکردنی نەخشەی بڵاوبوونەوەی خشتە بۆ دانراوی هێزەکانی ئەمریکادایە، تا شوێنی کەشتیی فڕۆکەهەڵگری "یو إس إس ئەبراهام لینکۆڵن" (USS Abraham Lincoln) بگرێتەوە کە بۆ ماوەیەکی درێژ لە ناوچەکەدا جێگیر کرابوو.

نیگەرانییەکان لەسەر دۆخی سەربازان

ئەم ئاڵوگۆڕەی هێزەکان دوای ئەوە هات کە شەپۆلێک ڕەخنە ڕووبەڕووی ئیدارەی ئەمریکا بووەوە، بەتایبەت لەلایەن یاسادانەرانی دیموکرات و خێزانی سەربازەکان. هۆکاری نیگەرانییەکان بۆ ئەوە دەگەڕایەوە کە کەشتیی "ئەبراهام لینکۆڵن" بۆ زیاتر لە ٢٠٠ ڕۆژ لە هیچ بەندەرێکدا لەنگەری نەبەستبوو، ئەمەش فشارێکی زۆری دەروونی و جەستەیی لەسەر ستاف و سەربازانی سەر کەشتییەکە دروست کردبوو.

ستایشی خۆڕاگریی ستافەکە
لەگەڵ بوونی ئەم نیگەرانییانەدا، براد کۆپەر، قائد و فەرماندەی سێنتکۆم لە دوا سەردانیدا بۆ سەر کەشتیی ئەبراهام لینکۆڵن، ستایشی ڕاگریی و ئارامگریی ستافەکەی کردبوو و ئەرکەکەیانی بە "ئیلهامبەخش" وەسف کردبوو.
ئەم جوڵە دەریاییە نوێیەی ئەمریکا ئاماژەیە بۆ بەردەوامیی ستراتیژی واشنتۆن لە پاراستنی هەژموون و ئامادەیی سەربازیی خۆی لە ڕۆژهەڵاتی ناوەڕاستد