هەرێم نیوز
سەرۆکی هەرێمی کوردستان پیرۆزبایی لە بارزانی دەکات بەبۆنەی وەرگرتنی نیشانی باڵای قەداسەتی پاپای ڤاتیکان، و جەخت لەوە دەکاتەوە ئەم ڕێزلێنانە مایەی شانازییە بۆ تەواوی گەلی کوردستان.
پێزانین بۆ ڕۆڵی بارزانی و پێکەوەژیان
ئەمڕۆ هەینی ٢١ی ئابی ٢٠٢٦، نێچیرڤان بارزانی، سەرۆکی هەرێمی کوردستان لە پەیامێکدا پیرۆزبایی لە بارزانی کرد بەبۆنەی وەرگرتنی نیشانی باڵای قەداسەتی پاپای ڤاتیکان و دووپاتی کردەوە، بەخشینی ئەو خەڵاتە پێزانینە بۆ ڕۆڵی دیاری سەرۆک بارزانی لە پاراستنی ماف و ئازادییەکانی پێکهاتەکان لە کوردستان و عێراق.
لە پەیامەکەی سەرۆکی هەرێمی کوردستاندا هاتووە، ئەم ڕێزلێنانە مایەی شانازیی هەرێمی کوردستان و پێزانینە بۆ کولتووری دێرینی پێکەوەژیان، یەکترقبووڵکردن و لێبوردەیی وەک تایبەتمەندییەکی سەرەکیی کۆمەڵگەی کوردستان، هەروەها بۆ ئەو بەها مرۆییانەی گەلەکەمان کە هەمیشە پابەندیان بووە و پەرۆشی پاراستنیانە.
بەردەوامیی هەرێمی کوردستان وەک نیشتمانی ئارامی پێکهاتەکان
سەرۆکی هەرێمی کوردستان جەختیشی کردەوە، کە هەرێمی کوردستان بۆ هەمیشە بە نیشتمانێکی ئارام بۆ تەواوی پێکهاتەکانی و پەرۆش بۆ پاراستنی فرەیی و ماف و ئازادییەکانی هەمووان، هەروەها بۆ چەسپاندنی بەهاکانی ئاشتی، پێکەوەژیان و ڕێزگرتنی بەرانبەر دەمێنێتەوە.