هەرێم نیوز
ئەمڕۆ چوارشەممە ٢٩ی نیسانی ٢٠٢٦، نێچیرڤان بارزانی، سەرۆکی هەرێمی کوردستان، بە سەردانێکی فەرمی و بە سەرۆکایەتیی شاندێکی باڵا، بەرەو وڵاتی ئیمارات بەڕێکەوت.
دیدار لەگەڵ سەرۆکی ئیمارات:
سەرۆکایەتیی هەرێمی کوردستان ڕایگەیاند، بڕیارە لە چوارچێوەی سەردانەکەیدا بۆ ئەبوزەبی، نێچیرڤان بارزانی لەگەڵ شێخ محەمەد بن زاید ئال نەهیان، سەرۆکی دەوڵەتی ئیمارات کۆببێتەوە.
تەوەری گفتوگۆکان:
لە دیدارەکەدا چەند پرسێکی گرنگ و ستراتیژی تاوتوێ دەکرێن، لەوانە:
• پەرەپێدانی پەیوەندییەکان و هاریکاریی هاوبەشی ئیمارات لەگەڵ عێراق و هەرێمی کوردستان.
• تاوتوێکردنی دوایین پێشهاتە سیاسی و ئەمنییەکانی ناوچەکە.
• بەهێزکردنی کایە ئابووری و بازرگانییەکانی نێوان هەردوولا.
ئەم سەردانە لە کاتێکدایە کە هەرێمی کوردستان و ئیمارات خاوەن پەیوەندییەکی مێژوویی و ئابووریی قووڵن و دەوڵەتی ئیمارات یەکێکە لە وەبەرهێنەرە سەرەکییەکان لە سێکتەرە جیاوازەکانی هەرێمدا.