هەرێم نیوز

دۆناڵد ترەمپ، سەرۆکی ئەمریکا، لە چاوپێکەوتنێکی نوێدا لەگەڵ ڕۆژنامەی "فاینانشاڵ تایمز" ڕایگەیاند، کە بژاردەی یەکەمی ئەو بۆ مامەڵەکردن لەگەڵ تاران، دەستبەسەرداگرتنی سەرچاوە نەوتییەکان و بە تایبەتی دوورگەی ستراتیژیی خارکە.

ئەمڕۆ دووشەممە ٣٠ی ٣ی ٢٠٢٦، دۆناڵد ترەمپ لە لێدوانێکی جەنجاڵییدا بۆ میدیا جیهانییەکان ئاشکرای کرد، کە لە کاتێکدا دانوستانەکان بەردەوامن، ئەو بیر لە دەستبەسەرداگرتنی دوورگەی خارک دەکاتەوە، کە ناوەندی سەرەکیی هەناردەکردنی نەوتی ئێرانە.

گرنگترین خاڵەکانی لێدوانەکەی ترەمپ:
• دەستبەسەرداگرتنی نەوت: ترەمپ وتی: "بژاردەی دڵخوازم ئەوەیە دەست بەسەر نەوتی ئێراندا بگرین و ئەو سامانە وەربگرین."
• دوورگەی خارک وەک ئامانج: ئاماژەی بەوە کرد کە ئەمریکا دەتوانێت بە ئاسانی دەست بەسەر ناوەندی هەناردەکردنی نەوت لە دوورگەی خارکدا بگرێت، کە زۆربەی نەوتی ئێران لەوێوە ڕەوانەی بازاڕەکانی جیهان دەکرێت.
• ڕەخنە لە ناوخۆی ئەمریکا: ترەمپ هێرشی کردە سەر ئەو کەسانەی لە ناوخۆی وڵاتەکەی دژی ئەم هەنگاوەن و بە "مرۆڤی گەمژە" وەسفی کردن، وتیشی: "هەندێک کەس دەپرسن بۆچی وا دەکەیت؟ بەڵام ئەوان تێناگەن."
• بەرگریی سەربازیی ئێران: لە وەڵامی پرسیارێکدا سەبارەت بە توانای بەرگریی ئێران لەو دوورگەیە، ترەمپ بە کەمبایەخ سەیری کردن و وتی: "پێموانییە هیچ بەرگرییەکیان هەبێت، دەتوانین زۆر بە ئاسانی وەریبگرین."

گرنگیی ستراتیژیی دوورگەی خارک
دوورگەی خارک کە دەکەوێتە کەنداوی عەرەبی، بە "دڵی ئابووریی ئێران" دادەنرێت، چونکە نزیکەی ٩٠٪ی هەناردەی نەوتی خاوی ئەو وڵاتە لە ڕێگەی تێرمیناڵەکانی ئەم دوورگەیەوە ئەنجام دەدرێت. هەر هەنگاوێکی سەربازی بۆ سەر ئەم شوێنە، دەبێتە هۆی پەککەوتنی تەواوەتیی ئابووریی تاران و بەرزبوونەوەی بێپێشینەی نرخی نەوت لە بازاڕەکاندا.