هەرێم نیوز
سوپای ئیسرائیل ڕایگەیاند کە بەیانی ئەمڕۆ هەینی، پەناگەیەکی ژێر زەوی تایبەت بە ڕێبەری ئێرانیان لە تاران کردووەتە ئامانج و بەتەواوی لەناویان بردووە.
بەپێی زانیارییەکان، ئەم پەناگەیە دەکەوێتە ژێر کۆمەڵگەی سەرۆکایەتی ڕژیم لە دڵی تاران و پێشتر وەک پێگەیەکی ئەمنیی باڵا بەکارهاتووە.
وتەبێژی سوپای ئیسرائیل ئاشکرای کرد کە بۆ ئەم ئۆپەراسیۆنە 50 فڕۆکەی جەنگی بەکارهێنراون و بە وردی پێکانەکان ئەنجامدراون.
ئەم پەناگەیە وەک مەڵبەندی سەرەکی فەرماندەیی بەکارهاتووە و هێرشەکەش دوای لێکۆڵینەوەیەکی وردی هەواڵگری ئەنجامدراوە.
سوپاکە جەختی کردەوە کە ئەم پەناگەیە هێشتا لەلایەن بەرپرسانی باڵای ئێرانەوە بەکارهاتووە.
لەناوبردنی ئەم پێگەیە گورزێکی کاریگەرە بۆ سەر توانای کۆنترۆڵ و فەرماندەیی ڕژیم و دۆخی سەربازی ئێران زیاتر لە جاران لاواز دەکات.