هەرێم نیوز
به هۆی هاتنی شهپۆلێكی بهفربارین، له سنووری ئیدارهی سهربهخۆی سۆران ئاستهنگی هاتوچۆ له چهند شوێنێك دروست بووه و رێگای چهندین گوندیش داخرا.
وتهبێژی بهڕێوهبهرایهتی بەرگریی شارستانی سۆران بە میدیاکانی ڕاگەیاند؛ ڕێگەکانی نێوان سەنتەری سۆران بۆ قەزاکانی مێرگەسۆر، سیدەکان و چۆمان بەهۆی بەفر و شکانی دارەکانەوە ئاستەنگیان بۆ دروستبووە و داوا لە هاونیشتمانییان دەکەن هاتووچۆ لەو ڕێگەیانەدا نەکەن.
ههروهها بەهۆی نزمبوونەوەی پلەکانی گەرما و بەستنی شەقامەکان لە دوای کاتژمێر 4:00 ـی ئێوارەوە، مەترسییەکان بۆ سەر شۆفێران زیاتر دەبن و تیمەکانی فریاگوزاریش خەریکی ڕزگارکردنی ئەو ئۆتۆمبێلانەن کە گیریان خواردووە.
شایەنی باسە لە شەوی ڕابردووەوە شەپۆلێکی باران و بەفربارینی بەهێز ناوچە شاخاوییەکانی هەرێمی کوردستانی گرتووەتەوە و لە چەندین شوێن ئاستەنگی ژیانی ڕۆژانەی دروست کردووە.