هەرێم نیوز
مەحمود مەشهەدانی، سەرۆكی پەرلەمانی عێراق دەڵێت: لەكاتی هەوڵەكانی تێپەڕاندنی یاسای حەشدی شەعبیدا فشارەكانی ئەمریكا گەیشتە ئەو ئاستەی کە هەڕەشە بە کەمپی هۆل و هەڵگرتنی پارێزگاری سیاسی و ئەمنی بكات پێشیوایە: چەكی دەرەوە دەوڵەت كاریگەرە نەماوەو حزبە ئاینیەكان ناتوانن هیچ شتێک پێشکەش بە وڵات بكەن.
مەشهەدانی، لە چاوپێكەوتنێكی تەلەفیزیۆنیدا وتی: ئیسرائیل هەوڵیدا عێراق بۆردومان بکات، بەڵام ئەمریکییەکان رەتیانکردەوە، ئەمریکییەکان داوایان لێکردین یاسای حەشدی شەعبی پەسەند نەكەین و فشاری خستە سەر سەرکردە سیاسی و ئاینییە شیعیەکان بۆ ئەوەی ئەو یاسایە دەرنەکەن.
راشیگەیاند: ئەمریکییەکان هەڕەشەی هەڵگرتنی پاراستنی سیاسی و ئەمنییان کرد، تەنانەت بە کەمپی هۆل هەڕەشەیان لێکردین.
وتيشى: دەکرا یاسای حەشدی شەعبی دەربکرێت، بەڵام هێزە شیعەکان قەناعەتیان پێکرا ئەو کارە نەکەن.
جەختیشكرد لەوەی عێراق سەقامگیری نابێت تا لە وڵاتی پێکهاتەکانەوە نەگۆڕێت بۆ دەوڵەتی هاوڵاتیبوون.